Faayndaare rowrowre binnditagol daartol ngol ko rokkude ɓesngu Senegaal « hakilantaagal gootal, nanondirangal, ngam ɓeydaade anndondirde e ɓeydaade mahaade e faamondirde, e mahde ngootaagu e ballondiral e kormondiral e muñondiral, e nuunɗal wonande yimɓe fof, kam e jam, e paamondiral, e demokaraasi e guurdigal nder deeƴre e paamondiral hakkunde denndaangal ɓiɓɓe ngenndi ndii, tuugingal e kormagol laabi sariya, kormagol nehdi, kormagol jawdi laamu, kormagol nehdi e mbaawka laamu tuugiika e doosɗe.».
Ɗum wonaano huunde newiinde nde tawnoo ko ɓurnoo heewde e ƴoogirɗe goodnooɗe ɗee, winndi ɗum en ko jiimooɓe faraysenaaɓe tan. Tee ina laaɓani yimɓe wonde ko ɓuri heewde e ɗeen binndanɗe nuunɗaano, sibu faandaare maɓɓe wonnoo ko ubbude neɗɗaagu men ngam dagnude njiimaandi maɓɓe. Kono pellital laamu nguu (Maaki Sal teeŋtiniino ɗum nde fiiletee ɗimmol ñalnde 02/04/2019 ndee), kam e pellital 450 ganndo e biɗtoowo jeyaaɓe e eɓɓaande ndee, mbaawi ɗum, taganɗe 5 gadane ɗee kollitaama hooreejo leydi ndii ñalnde talaata 16 sulyee 2019.
Tagande adannde ndee yowitii ko e Yonta ɓooyɗo (adiidaartol), gila iwdi, kam e donaaɗi ɓalliije e ɗe ngonaa ɓalliije pine senegammbinaaje. Tagannde ɗiɗmere ndee faati ko e daartol mahngo wertallo Senegaal ngoo tuggi teeminannde 11ɓiire haa 20siire… Tagannde tataɓere ndee siftinta ko yonta ɓiliiɗo hakkunde 1817 e 1914 (kitaale caɗeele, kareeli fetel, warngo Cees : gerew gollotooɓe laawol njoorndi Senegaal ñalnde 27 settaambar 1938 (maayɓe 7, e 125 barmuɗo).
Daartol ngol fof foti wonde ko 25 tagannde.
