« Alhajji Mahmuud Bah Jowol, nguurndam e golle » ko deftere siimtoore nguurndam Alhajji Mahmuud Bah, lampa diine mawka, annoore ganndal seedtinnde, timmoode waliyaaɓe laaɓtunde, ruttinoonde e joom mum ñalnde alarba 04 lewru siilo hitaande 1978.
Ko kaŋko wonnoo mo annduɓe mbiyatnoo Liwal-barooɗe udditnongal duɗe Alfalaah e nder leyɗeele Muritani, Mali, Senegaal, Gine, Kameruun, Liberiyaa, Gaana, Konngo, Sayiir e Gaboŋ ngam jannginde ɗemngal arab e sarde diine Lislaam e nder jookli Afrik. O jannginii yoga e pooye mawɗe jahruɗe ɗemngal Arab, maayɗe walla guurɗe hannde, dontinɗe ganndal e nder ɗee ɗoo leyɗeele, gila e jagge laamu tiiɗɗe, ñaawooɓe nantuɓe inɗe mumen, elimaneeɓe jumaaji e jamaaji tuugnorɓe haa e seernaaɓe duworteeɓe…
Gelongal Fuuta lollirɗo Njaay Saydu Aamadu
