Dillinde ɓalndu mum hay so ko hojomaaji 15 ñalnde fof ina usta ko famɗi fof baawgol heɓde nguɗu, tee ina wallita e ɓeydude balɗe joom mum.
Annduɓe haalɓe ɗum ɓee pawi haala mum en ko e hoolkiso mbaɗi, nde ndewindii cellal 400 000 neɗɗo e daawal duuɓi 12. Ɓe teskii ko yimɓe dillooɓe hay so ko hojomaaji 15 ñalnde fof ɓee, keɓgol mum nguɗu ustiima fotde 10%, ɗamaawu maɓɓе nguurndam ɓeydiima fotde duuɓi tati kadi. Ko ɓuri yiɗeede noon, ko hojomaaji 30 ñalawma, kono tawaama hay feccere ndee (woni 15 hojom) ina moƴƴi. Dillugol ngol noon wanaa hofde juuɗe tan ina hofta walla yahde ina daagoo, alaa, ko dillugol haa joom mum waɗta fahde, kono tawa ina waawi haalde : ko wayi no moylude walla ñekkude, yiilde welo, walla ngamri…
