Ƴeewee mo : – So o tiindiima e nokku, o yeccittaako abada. Ñemmbee mo, sibu ɗum jannginta ko neɗɗo ina foti jogaade faandaare laaɓtunde e nguurndam mum, nde hay huunde fotaani woppinde ɗum. Dooñoo, waklittaa hoore, ko yitere mum worwotoo. O ƴeewa dow, o ƴeewa les. Ɗum firti ko neɗɗo ina foti humpitaade, waasa sikkude ko kam tan woni e aduna hee.
- So dooñoo arii e nokku, o nanndittu e mum. Ɗuum wonaa faajiraagal. Ko ɗum muñal, ko faamde aduna. Felɓondirde e woɗɓe ñawndataa hay dara, hare alaa ko nafata. Neɗɗo ina foti daañaa etaade faamde heddiiɓe ɓee. So neɗɗo woodii, ina foti kadi keɓtinde woɗɓe ɓee ine ngoodi.
- So dooñoo ine yaha, suutat koyngal, wona e dimmbaade. Ɗuum firti ko reentaare so ine yaha.
- So dooñaa ina yaha, o fiilat laaci makko e catal. Nii woni so koyɗe makko njolɓitiima, o weeyat, o saamataa. Ɗuum firti, ko feewnude caggal mum. Neɗɗo hoto jeebo hoore mum, yo waɗtat hakkille.
- – So dooñoo yiyii ko waawi sonngude, o diwantaa ɗum, alaa. O werlotoo ko ɗemngal makko. So ngal waawi fooɗde ɗum, o fooɗa. So ngal waawaa, o artira ngal, o naattina ngal ngam ruuɗaade tanaa. Kala ko neɗɗo ine waɗa, yo yahru heen seese, yo hakindo. So aɗa wiyi waɗde ko duumotoo, won muñɗo, moƴƴo, jurumdeero.
Bookara Aamadu Bah
