Duuɓi 30 FƁPM : wasiyaaji e njettoraaji

juin 4, 2006

1

E joofinrde golle, jonnde nde wasiyiima yo FƁPM ummano ɗee golle : ɓeydude jokkondiral mum e laamu ; jokkondirde e Kalifu Geɗe Nderndere mbele ene ñawnda caɗeele kawraaɗe to bannge laamu nguu e to jooɗaniiɓe laamu ngu e nder diiwaanuuji leydi ndi ; jokkondirde e hoohooɓe leñol ngol, e wallondirde e maɓɓe e golle fedde nde ; ummanaade naatnugol jaŋde ɗemɗe ngenndiije ɗe e nder duɗe laamu (e ballondiral e pelle pine, e pelle dawrugol, e leñol ngol) ; daranaade dañde yeewtere to Rajo e to Tele Muritani, e gollondirde e ɓiɓɓe leñol ngol gollotooɓe e ɗiin nokkuuji ; sakkude peeje no fedde nde dañirta Rajo mum ; etaade kala hitaande mawninde jibineede e heɓtineede FƁPM ; ummanaade jonnde mooɓondiral 7 ɓere e waasde yuɓɓinde jonnde diisnondiral e hitaande hikka nde. Yiilirde Ngenndiire tonngii wasiyaaji ɗi, ma yuurnitoyo ɗi ɗo e yeeso, so Alla jaɓii.

Hade Y.NG. waynondirde e hoɓɓe mum, nde yettii denndaangal ɗaccuɓe golle mum en, e ɓesnguuji mum en, e nokkuuji mum en, ngari nootitaade e noddaango Y.NG. e tawtoreede Mawningol Hitaande 30 ɓere

F.Ɓ.P.M. ñalnde 3e 4 lewru suwee 2006 to Galle Sukaaɓe Keso to, e to Arafaat : hono Hooreeɓe teddungal FƁPM, sete FƁ/TPS, Fedde Ɓamtaare ;emngal Soninke e Muritani, pelle toppitiiɗe pinal e nder Muritani, e naalankooɓe e jabbaaji, e gollooɓe, e fitiramgolleeɓe, e arɓe e inɗe kinɗe leñol ngol, e jiknaaɓe sukaaɓe rewɓe e worɓe tawtoraaɓe seppo ngo, e Cate fedde nde e terɗe mum en, e teelɗuɓe adduɓe ballal mum en e golle ɗe, to Nuwaasoot e to Nuwaadibu.

Njettoraaji

Yiilirde Ngenndiire ena yetta kadi kaaɗdi njettoor ɓeeɗoo arooɓe :

Kalifu Pinal e Cukaagu e Coftal Ɓalli (Ministre de la Culture, de la Jeunesse et des Sports) sabu mum jaɓde teddinireede gardagol kewu oo (kono fedde nde ene sunii e waasde yiyde e golle he Kalifu Pinal walla lomto mum ; kono fedde nde ene jaggani ɓe ngantu sabu Perefee El Mina siifi yamiroore juɓɓingol kewu o ko ñalnde njofnde kewu o, ñalnde aljuma 2/6/06, caggal midi, hedde waktu go’aɓo pawɗo, tawi gollotooɓe laamu fof njipiima maa kootii galleeji mum en etee oon sahaa en mbaawaano addande ɓe tummbitere yamiroore nde ; yanti heen ko balɗe ɗiɗi hade kewu oo, tawi ko toppitinooɗo jokkondiral hakkunde fedde nde e Kalifu Pinal o, hono Gardiiɗo Pinal oo (Directeur de la Culture) ittaama ɗoon, hokkaama golle goɗɗe, etee yantii e toppittooɓe njillu Hooreejo leydi ndi to Rooso).

Sammba Joom Bah: kala nde fedde nde ummanii golle, ballal makko maantinngal mee[aa Rakkude. O jeyaa ko e fotWe yetteede hay so tawii ko hoore makko o wa[ani
Waali Daklet Nuwaadibu e Cukko mum saabu mum en yamirde golle ɗe e udditde ɗe to Nwaadibu, e Diisnondirteeɓe Meeri Nuwaadibu, e hoohooɓe tedduɓe, e teelɗuɓe, e denndaangal Pulaagu Nuwaadibu tawtoraaɓe golle ɗe e adduɓe heen ballal mum en teeŋtungal ;
Hoohooɓe laamu : Meer Arafat e Sukkuɓe mum, e Meer Riyaad e Sukkuɓe mum, e Meer Sebka e Sukkuɓe mum, e Cukko Meer El Mina, sabu mum en jaɓde tawtoreede golle ɗe no haanirta nii ;
Tele Muritani (TVM), e denndaangal jaayndeyankooɓe (Abuu Bah, Muusaa Abuu Kan, Gise mo L’Authentique, L’ EveilHebdo…), hablan- tunooɓe fedde nde filma (Bamalas Photo Vision), e fotooje (Aliwu Jallo) ;
Musiɗɗo Buubu Farba Jeŋ sabu darnde mum e wallitde Y.NG. heɓde yamiroore laamu to El Mina, ngam yuɓɓinde kewu oo to Galle Sukaaɓe Keso ;
Musiɗɗo Muhammadu Abdullaay Kan ballitɗo fedde nde e filmuuji ɗi, e bayyingol majji e Tele Muritani ;
Duɗal Ceerno Daawuuda to Nuwaasoot (Ilôt L) jaɓɗo almuuɓe mum janngooɓe Ruraana kam e pulaar yo tawtore seppo FƁPM (eɗen teskoo wonde
Duɗal Galle Ceerno Daawuuda seeraani e janngude pulaar, gila e Peŋgal Madinaaji (FƁPM) haa jooni ) e almuudo Al Hajji Ifraa Boli (Daar Nayiim);
Wallitɓe F.Ɓ.P.M. to bannge ngalu, haa Y.NG. waawi yuɓɓinde Mawningol Hitaande 30 ɓere
F.Ɓ.P.M. e nder Nuwaasoot : Kadeer Kamil (Mauritanienne des Transports Maritimes ou M.T.M.), Famo Mauritanie, e Siid Ahmed Elemiin, e Sammba Joom Bah e huunde e terɗe fedde nde ɓe ngalu mum en yettii Yiilirde Ngenndiire walli rewri e woon e Cate fedde nde;
Fitiramgolleeɓe tawtoraaɓe seppo e wejo defte fedde nde e denndaangal golle Pulaagu Muritani : Ibraahiima Conngaan ganndiraaɗo Baylo Leñol e golle mum maantinɗe, e ballal mum e innde Pulaagu Muritani haa arti e F.Ɓ.P.M. feewde e
F.Ɓ.P.S/T.P.S. e sete mum teeŋti noon e Defaa Wan (mo o inniri, e mo o takkani cakka kaŋŋe, e nder hiirde pinal nde, ñalnde 4/6/06 to Galle Sukaaɓe Keso ; e Mammadu Conngaan, e Haaruuna Mammdu Caam, e Yaakuuba Tuure, e Buubu Jimmeera, e Umaar Sih ;
Naalankooɓe e jabbaaji leñol ngol tawtoraaɓe kiirɗe pinal ɗe to Arafaat e to Galle Sukaaɓe Keso : hono Diɗɗal Jaalal (Jibi Ngawa Bah), Yelaa Alamari (Ceɗɗel MBay), Jam Min Tekki (Usmaan Soh), Koode Pinal (Usmaan Gannge), Raasin Jah, Fooyre Ngenndi (Ndey Kummba Jah), 9ellitaare Leñol (Usmaan Gise), Hammadi Gawdel, 1418, Maayka Goonnga, Kiram Leñol, Goomu Daraniiɓe Leñol, Duɗalɓoolum, 9ellitaare Leñol ; 4 Fedde Dental Pelle Naalankooɓe Muritani, e Fedde Sippirooji e Pinal;
Denndaangal terɗe fedde nde e ɓe njeyaaka heen adduɓe heen ballal mum en, e kaɓirɗe mum en (otooji, kuutorɗe goɗɗe, ekon), e softeende mum en, e waarñeende mum en (golluɓe e njuɓɓudi, e ndefu, ekon), ɓe en mbaawaa limtidde ɗo, gila Nuwaadibu haa Nuwaasoot.