Ko jooni Riisi saakti sirlu oo. E nder kitaale 1970, Sowiyet en mbaɗii wiɗto e nder wiiduru mawndu haayre asamaan woppunoo e leydi, ko ina wona 35 miliyoŋ hitaande hannde. Njaajeendi wiiduru nduu ko 100 kiloomeeteer. Ndu woni ko to Siberi fuɗnaange. Ɓe tawi heen oogirɗe jamaŋ moolanaande, waɗnde ko ina wona miliyaaruuji keewɗi menkelde.
Jamaŋ noon ɓuri hay kaŋŋe tiiɗɗe coggu, ɓuri kadi jamɗe ɗee fof herde. Ko kañum huutortee ngam yulde nokkuuji kaaƴe e oogirɗe tiiɗɗe, sibu ko kañum tan waawi waɗde ɗuum tawa helaani. Oo ɗoo jamaŋ kadi ina sowoo laabi ɗiɗi goowaɗo oo to bannge kergol. Yanti heen, cuɗaari jamaŋ ɓuri fof tiiɗɗe coodgu e yoodde e ɗelkude.
Riis en noon nganniyaaki huutoraade oo ɗoo jamaŋ to bannge cuɗaari, anniya maɓɓe ko huutoraade mo e mbaylaandi. “ Keeweendi jamaŋ kaaɗtudi kergol e nder ndee ɗoo oogirɗe ina sowoo fotde laabi sappo ko woodaa e jamaŋ e winndere ndee no diidorinoo, sibu ko milyaaruuji menkelde ngoni e makko. Aduna oo fof noon koo moofti heen koo ɓuraani miliyaar gooto menkelde. ”
Ƴoogirde : https://www.slate.fr/lien/61939/diamants-russie-siberie-meteorite
