Wiɗtooji annduɓe mbaɗi e dumunnaaji ɓennuɗi ɗii, ina kollita wonde sukaaɓe yahrooɓe duuɓi 4 haa joy, miijortoo ko no annduɓe siyaas miijortoo nii. Ɗum feeñi ko e jaaynde siyaas wiyeteende Nature. Ɗuum ɗoon firtaani kamɓе e ɓeya poti ganndal, alaa. Ɗum firti ko mahngo ngaandi maɓɓe e sifaa no ɓe ngollirta so ɓe kawrii e caɗeele, ko goote.
Wiɗtooɓe wonɓe to MIT (Duɗal jaaɓi haaɗtirde ganndal siyaas ɓurngal lollude e winndere ndee, gonngal to leydi Amerik) ɓurii ɗoon şibu ɓe kollitii wonde won ɗeen gaatuleeje cukaagu nannditta ko e dillinoore ganndal. Ɗum ɗoon ina gasa tawa en njeddataa ɗum walla kam eɗen mbaawi seedtaade ko wayi noon.
Annduɓe peewnii masinaaji keewɗi, kono masiŋ ɓurɗo ƴoƴde mo ɓe peewni, mo alaa ɗo tawetaake e kuutorɗe “ tuubakooɓe” рeеwni, ko ordinateer (kumputeer walla won wiyooɓe gaanndi). Ordinateer noon fuɗɗii ko e masinaaji innirteeɗi ɗum ɗii hannde haa yettii telefoŋ cinndel ekn. Tee ngel ɗoo kaɓirgel gollortoo e sifaa yuɓɓo (logique), no annduɓe siyaas nii. Eɗen teskii no sukaaɓe mbayi ƴoƴtande ɗee geɗe.
