Ñalnde 31 lewru suwee 2012, wulaango yettiima en caggal juulal subaka wonde Fatimata Mammadel Soh ɓurɗo lollirde Mettu Soh ruttiima e joomum caggal rafi juutɗo.
Banndiiko en e musidɓe makko fof cuniima kono kadi FBPM suniima sabu darnde Mettu e nder fedde nde humpaani hay gooto so tawii ko ɗoo e Nuwaasoot to pengal Sammba Baydi ndeen walla e nder catal Fum el Geleyta, darnde makko ko wootere : ko ƴellitde pinal fulɓe e fannuuji kala. Ɗum fof noon woni ngooroondi mum ko fiɓnde makko tiiɗnde nde o suɓtii to bannge nguurndam makko : yiɗande Muritani ƴellitaare e ngootaagu leƴƴi e compugol potal e nder leydi hee.
Ñawu njuutnqu nduuliingu fittaandu makko hannde nguu, caɗeele nguurndam e wonde baaye law meeɗaa selnude mo ngol ɗoon bolol haa o nodditaa e joom makko. Kala annduɓe mo, tolnidiiɓe makko, jiknaaɓe makko e yontidaaɓe makko fof, daande ko wootere ñalnde janayse makko wonde ko o neɗɗo jamyamo, jankiniiɗo, muñɗo.
Eɗen nduwanoo banndiiko en kala teeŋti noon e njaatige makko, giɗo makko, Kajjata Gamo Soh e jom galle mum. Tawde wonii noon o wonaa tooñaaɗo, o rewi ko e laawol kala tagoore hebori rewde, eɗen ñaaganoo mo Alla nde yurmotoo mo, yaafoo mo, suaonoo mo kala ɓure moƴƴe to aljanna. Aamiin yaa rabbil aalamiina !
Maamuudu Haaruuna Joop
