So tawii oɗon mbaɗa njulaagu, asakal fawaaki e mahateeri, e njogitaaje, e kaɓirɗe gollorɗe biro walla otooji gollorɗi ɗi neɗɗo tottiraa sabu gollal mum. Kono noon kaalisaaji julorteeɗi, e kala ngañaari mooftaandi ko ɓuri hitaande ina yaltina asakal.
Wonande kaalis dañaaɗo, asakal mum ko nii : teemedere fof ko buudi ɗiɗi e feccere (2,5%). Yeru : Neɗɗo mooftuɗo ujunere ooro (1 000) yaltinta asakal ko : (1 000 x 2,5 = 2 500; 2500 : 100 = 250. Ko feewti e asakal jawdi, e geɗe njentudi ndema, ƴeew deftere wiyeteende « Les dimensions ɗe İ’lslam, P. 148 à 150, 5°édition ».
HOL POTƊO HEƁDE ASAKAL ?
Asakal waɗanaa ko adii fof ko ɓee ɗoo yimɓe njeetato : miskiino (baasɗo) mo alaa balloowo – kalfinaaɗo renndinde asakal, e dokkitoowo (caroowo ɗum (no njoɓdi nii) – neɗɗo mo ɓernde mum hucciti e lislaam – maccuɗo (walla dummbaaɗo) tawi ko juulɗo potɗo rimɗineede – neɗɗo keewɗo ñamaale tawi fawii ko e goonga -neɗɗo kaɓeteedo ngam hisnude lislaam – ɗanniiɗo mo njooɓaari mum gasi e laawol.
Ngal ɗoo asakal noon juul ɗo ene waawi rokkitde ngal kam tan, walla rewra e neɗɗo goɗɗo kalfinaado yo renndin asakke, fecca ɗum e eebol amare ciiri yimɓe njeetato sifaabe dowbe.
(Joofnirde e « aroore: Bure asakal)
Maymuuna Caam
