Ñalnde 29 saawiyee ɓennunɗo oo, jaaynde “ La Provence” to Farayse, habrii wonde laboratuwaar opitaal Timone to Marseille woni ko e hebaade hoolkisaade feso safroowo SIDA e 48 jarlitiiɓe wonduɓe e SIDA. Ko adii ɗuum, tawi ngo jarribaama e jawdi (kullon), tee tawaama e ngo moƴƴi.
Heddii ko hoolkisaade ɗum e yimɓe. Ɗum ɗoo noon ɗaɓɓii duuɓi 10 golle e wiɗtooji e ngalu. “ Njuuteendi jarribo ngoo ko hitaande. Yarlitiiɓe ɓee pesetee ko laabi tati, tee ko potnde laabi tati njaribetee haa anndee hol heen fotndo ɓurngo moƴƴude. Maa wood heen kadi rokkaaɓe placebo (palasebo), woni pesee ndiyam ɓolam ɗam alaa safaara. So ngoo ɗoo jarribo joofii ɗoo e hitaande, maa jarribo woɗngo waɗe e 80 ñawɗo gonduɗo e SIDA.
