Hooreejo Diiso Doosɗe (Conseil Constitutionnel) leydi ndii bismiima hooreeɓe pelle pinal tati ɗee to joɗnde diiso ngoo ñalnde altine 20/03/2023. O habrii ɓe pellital Diiso ngoo firde Doosgal leydi ndii (Constitution) he nder ɗemɗe ngenndiije tati ɗee : Pulaar, Sooninke e Wolof, e halfinde pelle tati ɗee ngoon firo. O hollitii anniya oo, so firo ngoo gasii, ko muulde binndanɗe Doosgal ngal fof, caggal ɗuum ko waɗande ɗum jeeyngal mawngal e sarde ɗum mbele ɓiɓɓe leydi ndii fof ine kumpitoo ngal. O halfinii pelle ɗee sakkitde miijo no ɗee daawe tati ngollortee : firo, muulngo e cargol.
Jokkorde pelle pinal
