Sammba Caam, hooreejo FLAM e Kaaw Tuure, jooɓnaaɗo konngol FLAM naattii leydi mum en ñalnde talaata 24 settaambar 2013. Yimɓe heewɓe ngarii jaɓɓaade ɓe ɗo kanndaa Nuwaasoot ɗoo : ina heen hooreeɓe pelle politik ko wayi Mammadu Alasan Bah hooreejo PLEJ e Alasan Hammadi Bah, hooreejo Timtimol, ina heen terɗe parti maɓɓe Flam, ina heen koreeji maɓɓe e yiɗɓe maɓɓe. Ko huunde yurminiinde nde tawnoo ko hikka waɗi duuɓi 23 ko ɓe njalti leydi ndii.
Ko ɗum addani Sammba Caam wiyde wonde « ina weltii no feewi e nder ɓernde mum nde yiyi ɓeeɗoo yimɓe arɓe jaɓɓaade ɗum en ɓee fof ». « Ɗuum ina hollita wonde duuɓi 23 ɗi ɓe mbaɗi e daayo ɗii nafii ».
