Ceerno Jalaalu Diin Bah : “… Fooyre Ɓamtaare so dañatno, wonatnoo ko jaaynde diiwaan oo fof (leyɗeele saraaji ɗee fof tawa ande heɓoo heen no haanirta nii), nde jogoo heen jokkondirteeɓe rokkirooɓe kabaruuji nokkuuji ɗii no fotiri…” hello 7
Ɓataake Ceerno Jalaalu Diin Bah
So ko Alla amin njiɗa dañde jaaynde ndee nde yalti fof. Minen gaay, ɗuum alaa gaa fes.
Fooyre Ɓamtaare, so dañatno wonatnoo ko jaaynde diiwaan oo fof (leyɗeele saraaji ɗee fof tawa ande heɓoo heen no haanirta nii), nde jogoo heen jokkondirteeɓe rokkirooɓe kabaruuji nokkuuji ɗii no fotiri. Nokku heen fof waawa yiytaade heen hoore mum.
Ngaal gollal ko paayodinngal wananta leñol ngol e ɗemngal ngal fof, ko laawol kadi e weeɓtinde naat-naattondiral Afriknaawal ngal, ma won ndaɗɗudi e humpitirde diiwaan – hakkunde leyɗiire.
Amin cemmbina on no feewi, tawde onon kam, Alla wallii oɗon njokki golle. Yo Alla ɓeydu wune, newna golle ɗee waɗa heen udditaare moƴƴere, waɗa heen barke.
Alla jaaraama, on njaaraama.
Jalaaluddiini Bah,
Madiina Gunaas, Senegaal
