FC Nuwaadibu ko fedde pinal e coftal ɓalli kono nde ɓuri toppitaade e anndireede to golle ko ƴellitde e ɓamtude fuku bal e nder Nuwaadibu. Ardii fedde nde ko Burgurbal Muulaay Abdel Ajiij, woni koolaaɗo kuuɓal fedde nde ko gorko ngenndiyanke hono Jallo Aamadu Lamiin, ballitɗo en haa mbaaw-ɗen waɗde ciimtol FC Nuwaadibu. To golle FC Nuwaadibu golliima no feewi sanne sabu adii fof fedde nde udditi ko duɗal fuku bal (centre de football) mo hono mum weeɓaani e Moritani nanndungal hono duɗe pelle mawɗe to Orop (Real Madrid,Barcelone …..) ko udditiraa duɗal ngal tolniima e 6 000 000 ugiya. FC Nuwaadibu ina jogii nokkuuji tati to fuku bal janngetee e nder Nuwaadibu, nokku heen fof ina jogii kaɓirɗe mum haa timmi.Ko ɓuri heewde e sukaaɓe janngooɓe fuku bal e fedde nde ko almuɓɓe (élèves) to duɗe laamu (écoles, collèges, lycées).
FC Nuwaadibu ina wallita sukaaɓe ɓe e jaŋde mum en sabu ina yoɓana ɓe jannginooɓe won e jaŋde (math, physique, français, arabe…) sahaa ina waɗa njilluuji e nder duɗe e ngam ƴeewtaade jaŋde maɓɓe so tawii ina yahri yeeso. Ko FC jogii ñaamndu e safaara sukaaɓe fedde nde. Won ɓe rafiiji fedde nde nelda joomum en caggal leydi. FC Nuwaadibu ina yoɓa denndaangal sukaaɓe fettooɓe wonɓe e fedde nde ko aldaa e paltoor ko ina tolnoo e 531 000 mb lewru fof. Ko hono noon liggotooɓe e fedde nde njoɓdeele mum en so renndii ina tolnoo e 410 000 mb lewru fof. Hannde sukaaɓe e fedde nde janngini fuku bal puɗɗiima heftineede e kippu ngenndi (équipe nationale) sabu nayo e maɓɓe ina toon e o sahaa. Woni heen e maɓɓe njahii Espaañ.
Holi no FC Nuwaadibu bismortoo sukaaɓe yiɗɓe jeyeede e fedde nde ?
E oo sahaa ko sukaaeɓ e ngaddata toon koye mum en.Caggal ɗuum ɓe mbinnditoo tawi mo woni fof ina addi kaayitaaji mum, ɓe naamndo holi jinnaace mum en ekn… Eɗen nganndi hannde fuku bal wonaa fijirde mehre mehre. Kala jiɗɗo janngude fuku bal ina waawi jokkondirde e fedde nde sabu ko nafoore woni heen. So tawii fedde nde golliima ɗee golle fof holi ko woni njeenaari mum? Ko yeeyde sukaaɓe heftinaaɓe ina mbaawi fuku bal pelle mawɓe ko wayI no Real Madrid, Barcelone ekn…. So tawi en mbiyII yeeyde ko wallude sukaaɓe ɓe no njettorii pelle mawɗe e to Orop. Sukaaɓe ɓe ngontoya toon ina njoɓee, ɗum ko ballal mawngal. FC Nuwaadibu wayi ko no damal udditaare maa ko damal fayde Orop. E ooɗoo sahaa, ɗeen njahri heen caggal no feewi sanne sabu waasde en finande ɗum. So tawii won yiɗbe humpitaade ko ɓuri ɗo laaɓde ina mbaawi ƴeewde internet www.fcnouadhibou.com walla njokkondira e musiɗɗo men ngenniyanke mawɗo mo hono mum weeɓaani, dariiɗo darnde tiiɗnde e fedde nde ngam bismaade sukaaɓe men toon, hono Jallo Aamadu Lamiin, noddirkon mum ngoni : 650 18 74 e 205 16 02.
Abuu Kan Nuwaadibu
