Jaaynde Malijet habrii wonde Hayaa Sanogo, naatnunooɗo Mali e jiiɓru, waɗi Tumaani Tuure keddaranooɗo lebbi ɗiɗi woppude laamu kuudetaa mo haanaano, nanngaama ñalnde aljumaa 25/10/2013.
Ɓe mbiyi ko soldateeɓe Mali e ballal soldateeɓe Farayse teɓɓii mo. Hay gooto anndaa ko o nanngiraa tigi, hay so tawii ina sikkaa o fotata ko tuumeede e warngooji e dahngo soldateeɓe e balɗe ɓennuɗe ɗee. Eɗen ciftora, e jonte ɓennuɗe ɗee, huunde e soldateeɓe ɓe o waɗdunoo kuudetaa oo, murtiino, kappani yande e makko. Ɓeen mbiyi ko yejjitaaɓe e « njeenaaje » hee, sibu Hayaa Sanogo nomaama seneraal, kañum en hay dara keɓaani. Caggal ɗuum teskaama huunde e ɓeen ɗoon njiytaama ina mbaraa, walla ndahaama nganndaaka ɗo ngoni : ina sikkaa ko kanko Hayaa Sanogo woni e warde ɓeen ɗoon. Ko ɗum woni ko Fedde jojjanɗe aadee wiyeteende « Human right Watch » tuumi mo.
Winndannde : baawɗo fof yo waɗ ko moƴƴi, sibu eɗen keewi wiyde « koyngal e leydi e mboddi leydi, kawraani hikka, kawra mo wuuri ! »
