Hoto tampin hoore ma wiyde aɗa ennda winndude ɓataake e yeeɓde tele laawol gootol. Ɗum noddaani teeyde hakkille, alaa ko sabu ngaanndi men feccaade he pecce ɗiɗi saabi iɗum. Ɗum woni ko wiɗtooji annduɓe cakkitii hollitde.
Ɓe teskiima wonde, so tawii gooto e men ummaniima nawdude geɗe ɗiɗi, ngaandi mum kam ne feccitto golle ɗe : heen gollal ɓurata difaade ɗum ko bannge nano ngaanndi, gollal diɗmal ngal ko bannge ñaamo o ɓurata difaade ɗum. So tawii noon ko geɗel gootal tan neɗɗo ummanii waɗde, banngeeji ɗiɗi ɗii kala (woni ngaanndi ndii kala) huccata ko ngaal gollal. So tawii ko golle ɗiɗi, hono no mbiyruno-ɗen, heen bannge fof yetta gollal gootal, so ɓurii golle ɗiɗi, fof jiiɓoo. Ina anndanoo won e yimɓe ina njogii caɗeele suɓaade hakkunde geɗe tati walla ko ɓuri ɗum ; ina gasa tawa saabii ɗum ko no ngaanndi men ndi feccitorii e pecce ɗiɗi nii. Ɗum ɗoo noon, annduɓe ɓee mbiyi, faltaaki debbo e gorko.
Bookara Aamadu Bah
