Ko kamɓe ɗiɗo koɗdunoo e suudu wooturu, ceerno oo noon ina wondi e almudɓe mum. So ɓe pinii tan, kamɓe fof ɓe ndawat, so ɓe njoftii, ɓe ngarii e lelaade, Ceerno o wiya almudɓe mum : “ So oɗon leloo, gooto e mon fof yo janngu Faatiha e simoore, tuuta ejuuɗe mum, mooma e yeeso mum, leloo, ko ɗum faddungo ”. Cooloo oo noon woni faddungo mum ko nde ari e lelaade fof diwat, wiya “ lelaade ɗo haa bone ngaftoo ɗum, fina dawa ! ” Ɓe leloo, so ɓe pinii ɓe tawa almudel ina maayi. Ɓe ngoori noon haa almudon fof maayi, heddiima ceerno e cooloo tan. Ɓe ndawi kadi haa hiiri, ceerno adii artude, heɓi nder suudu darii, haa cooloo arti. Cooloo yettii tan diwi haa dow deŋkii e leydi wiyi “ lelaade ɗo haa bone ngaaftoo ɗum so finii dawa ! ” Ceerno ne darii haa juuti, diwi wiyi “ lelaade ɗoo kadi haa bone ngaaftoo ɗum so finii ɗawa ! ” Ɓe lelii haa weeti hay gooto e maɓɓe maayaani, ɓe ceerti, gooto fof fayi bannge mum. Muntaqaa Aaweendu Caam
- Advertisment -