Nanondiral hakkunde jaagordu jangde e porofosuruuji wonnooɓe e diiño. Caggal kaltapilaaji keewɗi huunde e jannginooɓe duɗe hakkundeeje wonnooɓe e diiño e nder jaagordu hee, ciifondiraama nonondiral hakkunde maɓɓe e hilifaaɓe nduun jaagordu.
Cifti-nen, caɗeele ɗee ngari ko caqgal nde jaagorɗo ngenndi kalfinaaɗo jangde fekti 108 porofosoor sabaabu njahiino e geddooji baɗnooɗi nder hitaande yawtunde ndee. O laawɗini ɗuum ko e bayyinaango ngo tonngooɗe 174 ñalnde 18 settaamburu 2012.
Kamɓe jannginooɓe ɓee ne, ɓe mbiyi ɓe njahaani tawde ɗum waɗiraa tan ko lorde ɓe, etee, geddo (gereew) ko huunde dagiinde, nde luulndaaki kuule leydi Muritani (en pacciriino luural ngal nder tonngooɗe jawtude ɗee. Kono ɗo yahanoo artaa fof kam, nanondiral waɗii ñalnde alkamisa 17 Saawiyee 2013. Caggal nde fof heƴi heen : jowgol njoɓɗeele, jaggeede polis, hulɓinireede riiweede e liggey mum, e ko wonaa ɗuum tan.
Kono ko pulaar wiyata : « giddanoongel dogi woppi ko yiɗnoo, tawata ko ndeen yiɗde tiiɗaano ». Ɗuum waɗi woodii hulɓe njeɓɓilii, won ɓeen kadi ma a taw hare e ndejara nde jaranaani ɗum en, won ɓeen ne ma a taw, hawriti ko to nawaa too ina hawriti e yiɗde mum en.
Caggal nde coorti ɗi mbaɗi gila e lewru oktooburu, ɓe keddi tan 65. Ɓeen ngoni wonnooɓe e diiño ko ina abboo e lewbi 4, leptaaɓe, wiуɓе huunde fof ina jarani ɗum en heen, kono jannginooɓe koynirtaake hono nih. E tonngol, toɓɓe mawɗe nanondiraaɗe ɗee ko nih ciforii :
1. Pektanooɗo fof ina yaha to fektaa too, jokkita toon ko heddii e daawal diɗmal hitaande jangde ndee. Ɗuum firti ko aɓe ngona toon haa poofte maayirɗe lewru mars yettee.
2. Ministeer oo maa yaltin bayyinaango woɗngo ɗoo e lewru, tuggude nde nanondiral ngal waɗi ; kono bayyinaango ngoo fuɗɗotoo jogaade qiima tan ko tuggude 31 mars.
3. E nder bayyinaango ngo : 28 e mаɓɓe ina nduttoo to ngittanoo too ; 3 ina pektee e nder Nuwaasoot ; heddiiɓe ɓee сuɓоо поkkuuji goɗɗi ɗi njiɗi. Wonaa ɗee toɓɓe tan ngoni ciifondiraaɗe toon, ina waɗi cariiɗe goɗɗe, kono eɗen mbaawi wiyde kam wonde cuusal e caasal ɓee ɗoo jannginooɓе maa won yeru laaɓtuɗo nder taariik hare fenaande e nder leydi Muritani. Pulaar noon ina wiya : « No hare wayi fof ɓuri yah mi woppidii ma e Allah ».
Dooro Gey
