Manndelaa, Hade mum maayde, ko binndunooɗo ɓe ɗaccani jawdi mum.
Doggol yimɓe ɓe o yamiri yo pecco e jawdi o ɗacci ndii saaktaa ko ñalnde aljumaa 27 mee 2016, duuɓi caggal maayde makko.
Sofeer makko, e binndoowo makko keeriiɗo (Sekerteer) e ekkolaaji keewɗi ɗi o horsinnoo, keɓii heen, gooto fof, geɗal mum e 22 miliyoŋ rands (hedde 480 000 000 Ugiyya) ɗi o ɗacci ɗii. Ɓe keɓi ɗum ko e kewu juɓɓinanooɗo ngam ɗuum to Johanesburg. Sofeer oo, gondunooɗo e makko fotde duuɓi 23, kam e sekerteer oo keɓii, gooto e mum en fof, Sek 50 000 rands (hedde 1 100 000 Ugiyya).
“Ndee moƴƴere haawaani mi e Madiba, ko e jikkuuji makko jeyaa ”. « Ɗum haawaani mi ko o woppani yoga e amen ɗumɗoo fof. Waɗooɓe ko wayi nii keewaani », e wiyde sofeer oo.
Ina jeyaa e ronɓe, heɓɓe sekuuji mum en ñalnde heen, Duɗal Jaaɓi-haaɗtirde Fort Hare ɗo Manndelaa janngunoo, kam e Ekkol lesleso Qunu ɗo o naati jaŋde e Liisee Orlando West gonɗo e nder Soweto ɗo o meeɗnoo hoɗde.
BAB
