Aamadu Tumaani Tuure : O jibinaa ko ñalnde 4 noowammbar 1948 to Mopti Aamadu ko kooninke. Ko o neɗɗo darjuɗo, sibu, so en mbelaama mbiyen ko kanko yettini Mali ɗo yettii hannde ɗo, sibu ko kanko seerndi ɗum e laamu caɗtaru Muusaa Taraore e e lewru mars 1991, o ɗowi daawal hakkunde ngal, haa woote njuɓɓinaa.
Alfaa Umar Konaare toɗɗaa yo ardo leydi ndi. Nii woni o joñtii, omo doga e maslahaaji ngam ñawndude luure e nder Afrik. E hitaande 1992 o toɗɗaa yo o ardo leydi Mali.
Ibraahiim Buubakara Keytaa : O jibinaa ko ñalnde 29 saawiyee 1945 to Kucaala. Omo janngi ko faati e politik. Ko o hooreejo parti biyeteeɗo ADEMA gila 2000. Kanko woni hooreejo Asambele gila hitaande 2002. Ko ngol woni ɗimmol ko o wonata kanndidaa gardagol leydi Mali.
Mammadu Sanngare : O jibinaa ko ñalnde 16 noowammbar 1954 to Bamako. Ko o ganndo ko faati e njuɓɓudi laamu. O fuɗɗiima waɗde politik gila ko o suka. Kanko ardii hannde parti biyeteeɗo CDSMogotoguiya.
Cebile Daraame : O jibinaa ko ñalnde 9 suwee 1955 to Ñooro Saahel. Ko o porfesseer coñce. O gollaniima ko juuti Fedde Ngenndiije Dentuɗe. E cili keewɗi o wonii jaagorɗo. Kanko ardii parti biyeteeɗo Parena.
Sumeylu Bubeey Mayga : O jibinaa ko ñalnde 8 suwee 1954 to Gaawo. Ko o jaayndiyanke, ganndo ko faati e jokkondiral e njuɓɓudi pelle aduankooje. O wonii e cili keewɗi jaagorɗo.
Umar Mariko : o jibinaa ko e hitaande 1959 to Bafulabe. Kanko ardinoo dillere sanɗaaji haɓinoonde no feewi laamu Muusaa. Ko o doktoor cafroowo. E hitaande 2002 o wonii kanndidaa parti biyeteeɗo SADI e woote gardagol leydi Mali.
Sokna Sidibe Amnata Jallo : Go’o e leydi Mali ko debbo ina biraga gargago leydi. Ooɗoo debbo ina yahra hikka e duuɓi 50. Ooɗoo debbo, ko jom ganndal, sibu o janngita ko to Iniwersitee Bamako. Ko e daraniiɓe kisal sato o jeyaa. Kanko ardii parti biyeteeɗo REDD (Dental ngam findinde ko faati e sato e ɓamtaare).
Majasa Magiraga : o jibinaa ko ñande 10 febariyee 1943 to Ñooro. Ko o ganndo mawɗo sibu oko o aasiñoor. O janngi ko leydi Amerik, tee o heɓii halfineede (1967-1968) eɓɓaande jowitiinde e diwngo fiisee biyeteeɗo Saturne V, wonande tuugnorgal Appolo ngal NASA joginoo ngam jahgol to lewru. Nde o arti e hitaande 1994 ummaade Konngo ɗo o janngintunoo e Iniwersiteeji, o sosi janngirde hebloore aasiñooruuji. Ko caggal ɗum o sosi parti biyeteeɗo PPP (Parti ɓesngu ngam ɓamtaare), o woni kanndidaa e woote gardagol leydi Mali e hitaande 2002.
