Hooreejo Jagge laamu keso leydi Senegaal wiyatee ko Suleymaani Ndeene Njaay. Omo yahra e duuɓi capanɗe jeegom e duuɓi taati. O jeyaa ko wuro Ginnginewo, ko kaŋko nih woni toon « meer ». Omo jeyaa kadi e Diisnonderde Diiwaan Fatik. O jaŋngi ko UCAD haa o heɓi seedantaagal DEUG (duuɓi ɗiɗi caggal « Baccalaureat » e fannu siyaas faggudu. O jokki jaŋde makko haa o heɓi « maîtrise » to fannu karallaagal « laawol » haa o heɓi seedantaagal wonde « awokaa ».
Ko o tergal heerto PDS gila adan. O wonii mo Abdullaay Wadda diisnotoo, o wonanii mo kadi jom-konngol. O laatiima kadi Jaggal laamu laabi keewɗi tuggi nde Abdullaay Wadda woni Hooreejo leydi. O wonii Jaggal Yuɓɓo Denndaaɗo, o wonii Jaggal Golle e “Senndikaaji”. Hade makko Wadda suɓaade mo Ɗowoowo gollorgal mum, o waɗi mo Jaggal Dowla kalfinaangal ko fayti e Sato e Ndeenka Catiindi, o wattindirii wonde Jaggal Dowla ko yowitii Faggudu Diƴƴe.
Ñalnde 30 Abiriil 2009, o toɗɗaa yo ardo Jagge Laamu, caggal nde Sheek Haajibu Sumaare geddi.
Aamadu Malal Gey
