Nodirde portaabal mum, ɓeydude daande mum, walla gollinde ɗum, tawa memaani ɗum, walla a huutoraaki hay telekumaande, ko huunde haawniinde. Walla aɗa konndira oto maa, noddiraa telefoŋ maa tawa a yettaani ɗum e juuɗe maa, maa heewɓe nattu jaggireede noddude ina konndira. Ɗum kadi ma a taw ɓuri haawnaade.
Sosiyatee Israayiilnaajo gooto, ko ɗum yiɗi waɗtude goonga : aɓe ngolloo hannde ngam feewnude telefonaaji e teleeji baɗdi kameraaji jiyooji, paamooji maandinooje, ciyna ɗum en ɗoon e ɗoon. Yeru, so a faynii junngo maa е nofru, aɗi paama njiɗ-ɗaa ko noddude ekn …
Habri ɗum ko rajo biyeteeɗo BBC News. Sosiyetee oo woni ko Tel-Aviv. O heɓii e pelle mawɗe gollotooɗe ko fayti e karallaagal, ko wayi no Fedde mawnde, ameriknaare, wiyeteende Texas Instruments kaalis keewɗo, mbele aɓe keñoo e golle hee. Smartphone gadano maandino ina waawi yaltude e nder hitaande 2012 ndee tan. Ina sikkaa, caggal kuutoragol suurii, walla ɓoɗɗugol butonaaji, caggal memgol, ko karallaagal maandino jogori jolɗe e duuɓi garooji ɗii.
Bookara Aamadu Bah
