Ganndo ameriknaajo biyeteeɗo James Dewey Watson, sankiima ñalnde 6 silto 2025 ine yahra e duuɓi 97. James Watson ko ganndo Guurɗiwal mawɗo, meeɗɗo rokkeede njeenaari Nobel sabu wiɗtooji mum e jiyte mum paatuɗe e cañu ADN. E waasde juutnude haala, ko o yiyti koo, kala ɗo naat-ɗaa e janngirdu guurɗiwal e aduna hee, ma a taw ɗum ɗoon.
Kanko fof noon e wonde ganndo, omo ñiŋretenoo konnguɗi cewɗi paatuɗi e leƴƴi, e ƴoƴre e ndonaandi yimɓe e ngonka rewɓe. Haala ka alaa ɗo tuugii to bannge ganndal, ustooka leƴƴi e rewɓe, ngaddanka annduɓe winndere ndee joñde mo. Kaan haala addani wiiñordu “Cold Spring Harbor Laboratory” teettude denndaangal teddule rokkunoo mo.
Hannde, James Watson ɗalii caggal mum neɗɗaagu kaawniingu : heen bannge ko golle nawruɗe ganndal guurɗiwal yeeso, oya bannge ko haala ka tuugaaki e ganndiwal, ittuka teddungal makko.
Bookara Aamadu Bah
