Toɗɗagol Diiso Ganndal (Conseil scientifique)
Ñalnde 14/11/2023 Jaagordu jaqde juɓɓinii kewu joɗɗingol terɗe Goomu Diiso ganndal to Duɗal Karallaagal Jaŋde Ngenndi (IPN), e tawtoreede jannginooɓe fektaaɓe to IPELAN ɓe, e bismaaɓe yonɓe (ine heen ardiiɓe pelle pinal tati ɗee : FƁPM, AMPLCS, APROLAWO).
Puɗɗagol heblo jannginooɓe
Jaagordu jaŋde neldii Duɗal Ɓamtaare e Jaŋde Ɗemɗe ngenndiije (IPELAN) 28 jannginoowo (12 Pulaar, 8 Sooninke, e 8 Wolof) fotɓe hebleede ngam jannginoyde e duɗe keblugol naattingol ɗemɗe ngenndiije Pulaar, Sooninke e Wolof nder Tippudi nehdi e jaŋde leydi ndii. Heblo maɓɓe fuuɗɗiima boom ñalnde altine 6 noowammbar (jolal) to Duɗal ɗoo. Ndeeɗoo hitaande fof (2023-2024) ko heblooji (jannginooɓe, kaɓirɗe jaŋde, hirjino, toɗɗagol nokkuuji ɗo duɗe gadane ɗee udditoytee mo wuuri…) So ekkolaaji udditii mo wuuri (2024-2025) jaŋde ndee fuɗɗoo.
Duɗal Ɗemɗe gadanal ngal fuɗɗorinoo ko duɗe 12 e hitaande 1982-1983 (duɗe 4 wonande heen ɗemngal kala), won heen e nokkuuji teeru, won heen e nokkuuji Gure mawɗe ɓadiiɗe wonde teeru, won heen e nokkuuji dowri. He Nuwaasoot to ekkol 5 wonnoo ɗoon ko duɗal Pulaar, to ekkol 6 ko duɗal Wolof, e to ekkol 7 duɗal Sooninke. Caggal ɗuum, e hitaande 1984-1985 duɗe 12 goɗɗe udditaa e nokkuuji gadani ɗii.
Fooyre Ɓamtaate
