Goomu sarɗooɓe ndaraniingu ɓamtaare ɗemɗe ngenndiije jokkondirii, ñalnde altine 28 desaambar 2020, to joɗnde Suudu Sarɗi ɗoo, e hooreeɓe pelle pine ngenndiije Pulaar (Fedde Ɓamtaare Pulaare he Muritani), Sooninke (Fedde Muri taninaare Ɓamtaare Pinal e Ɗemngal Sooninke) e Wolof (Fedde Ɓamtaare Ɗemngal Wolof). Ko Goomu sarɗooɓe nguu noddi jokkorgal pelle pine ɗee mbele ine kollita ɗarɗooɓe ɓee dallinannde pewjunoo gila e hitaande 2019, faatunde e laawɗingol ɗemɗe ngenndiije Pulaar, Sooninke e Wolof e naattindol mum en he nder Tippudi Nehdi e Jaŋde leydi ndii. Pottital ngal addanii sarɗooɓe tawanooɓe ɓee humpitaade golle pelle ɗee ndaranii ɗee e ɓeyditoraade ganndal mum en ngam waawde kañum en e koye mum waawde daranaade golle kuccanaaɗe ɗee. Pelle pinal ɗee kañum en keɓii fartaŋŋe anndinnde pelle mum en, e saaktude dallinannde peewni ndee.
Sikke alaa gollondiral hakkunde denndaangal daraniiɓe ɗemɗe ngenndiije tan waawi wallude jettingol faandaare ɓamtugol ɗemɗe ngenndiije ɗee.
