Soldaat ameriknaajo gaañinooɗo e kalitgol bommbo to Afganistaan, jokkanaama terɗe njogoram to Opitaal Hopkins to Amerik. Ko doktoreeɓe waɗɓe gollal ɓee kabri ɗum ñalnde 23 abriil 2018. Ɓe mbiyi ɓe mbaawii lomtinde terɗe ɗiɗi njogoram gorko, tee aɓe njaakorii no feewi maa o heɓtu denndaangal kattanɗe makko njogorameeje e kaayirɗe.
Won meeɗnooɓe waɗde ko wayi nii, kono ɓe mbiyi feere huutoraande ngolɗoo laawol ndee ɓuri ñeeñɗude.
Ɗum fuɗɗii fof waɗeede ko to leydi Siin e hitaande 2006 kono hakkille jokkanaaɗo oo ronki deeƴde, ngal ittaa. Ko jokke nay njogoram e kuuɓal njuumti e winndere hee kala, so en kiisiima heen jokkere kaal-ɗen jooni ndee. Heen ɗiɗi mbaɗanoo ko to Afrik worgo. Ko ɗoo jokkere njogoram idii yuumtude e hitaande 2015, caggal ɗuum ko to Dental dowlaaji Amerik e hitaande 2016.
Bookara Aamadu Bah
