Ñalnde 22/03/2021 jaagorgal kalfinaangal geɗe nder leydi jaɓɓiima hooreeɓe pelle pinal Wolof (APROLAWO) e Sooninke (AMPLCS) e Pulaar (FƁPM) e dow ɗaɓɓaande mum en. Ko idii fof, o jaɓɓiima ɓe jaɓɓagol moƴƴol. Hooreeɓe ɓee kolliimo hol ko woni koyɗe mum en. Ɓe tottii mo he nder ɗuum Dallinannde pelle pinal ɗee faatunde e laawɗingol ɗemɗe ngenndiije ɗee, kam e naattingol mum en nder Tippudi Nehdi e Jangde leydi ndii ? Ɓe ɗaɓɓirii mo nde o wallata ɓe yiyde e hooreejo leydi ndii. Caggal ɗuum ɓe kaalanii mo no toɗɗagol terɗe Diiso Jangde yahri, so waasde pelle pinal ɗee toɗɗaneede hay neɗɗo gooto. Ɓe kollitii mo kadi caɗeele pelle ɗee kawrata e golle mum en nder nokkuuji ɗii to bannge jooɗaniiɓe toon laamu nguu. Ɓe ndokki yeru e Barkewol.
Jaagorgal heɗtiima ɓe no feewi, tee faamanii ɓe. O huniima waɗde kala ko o waawi ngam ñawndugol caɗeele ɗe o hollitaa ɗee.
