Ñalnde alarba 23/6/2021, hooreeɓe pelle pinal tati ɗee (FƁPM, APROLAWO, AMPLCS) njokkondirii e jaagorgal pinal kesal ngal hedde waktu 18ɓo (6 heures). Jaagorɗe pinal tati ndeggondirii e nduu jaagordu he nder lebbi 18 jawtuɗi ɗii. Walliti jokkondiral ngal ko carɗoowo (depitee) Kajjata Maalik Jallo.
Ko idii fof, hooreeɓe ɓee nduwaniima mo e ko ardinaa jaagordu nduu, mbismii mo kadi. Caggal ɗuum kolliti mo ɗo jokkondiral hakkunde jaagordu nduu e pelle pinal ɗee njahratnoo : hafeere dallinannde ; hafeere ɗaɓɓaande jiyndiral e hooreejo leydi, hafeere fedde winndooɓe e yimiyankooɓe, hafeere jaayɗe leydi ndii ; hafeere Fooyre Ɓamtaare.
O huniima toppitaade ɗeeɗoo toɓɓe kala e waɗde heen kala ko o waawi… O ɗaɓɓii nde pelle ɗee kesɗitinta ɗaɓɓaande jiygol mawɗo leydi oo. O ɗaɓɓirii ballal to bannge wasiyaaji e miijooji. Ko e nder ɗuum nii o wiyi yo pelle ɗee mbinndu mo ko faati e ngonka jaayɗe leydi ndii. O hollitii ko o teeŋtinoowo kala ko faati e keewal eddaaji (diversité).
