Eɗen ciftina wonde T.P.H.L. sosaa ko ñande 07/1/2002 to Bamako ( Mali ). Ñande 8 e 9 sulyee 2006, TPHL yuɓɓinii jonnde mum heñoraande, e nder Hotel Nord-Sud , to Bamako. ɗee Leyɗeele garooje tawtoraama jonnde nde : Burkina Faso, Cad, Fulɓe uujɓe to Orop (hono ummiiɓe e ɗee Leyɗeele tati : Beljik, e Espaañ, e Farayse), Gine Bisaawo, Kamerun, Mali, Muritani, Niijeer, Niijeriyaa, Senegal. Jonnde nde heɓii waɗde ɗee golle : hesɗitinde doosɗe fedde nde ; Musiɗɗo yiilirde hesere, tMusiɗɗo dokkugol njeenaari to bannge coñce e ñeenal tawi inniraa ko Yero Dooro Jallo (E dow cakkitgol Aamadu Umar Jah : janngu konngol makko to jaalo Yero Dooro); yahde Kuluba ngam yillaade Aamadu Tumaani Tuure (ATT), Hooreejo Leydi Mali, e ngam hoofnude mo e yettude mo sabu darnde makko e balle makko feewde e ɓamtaare e Yellitgol pine Afrik, haa teeŋti e pinal e ɗemngal Fulfulde maa Pulaar.
Wonande ɗii duuɓi tati (3) garooji, Hooreejo T.P.H.L. ko Musiɗɗo Alfaa Mammadu Jallo o leydi (La) Gine (Fuuta Jalloo/Jaloŋ). Musiɗɗo Kaadiri Yaayaa (mo Kamerun), hono gonnooɗo Hooreejo gila 2002, wa[taama Hooreejo Teddungal fedde nde. Ummoraade Muritani, tawtoraa jonnde nde, e innde leydi ndi, ko Fari Jeeri Bah e Tabara Bah (Hooreejo e Koolaaɗo Kuuɓal Tabital Pulaagu Muritani), e Aamadu Umaar Jah (Hooreejo F.Ɓ.P.M.).
E tonngoode aroore, ma en ngartoy e Ciimtol jonnde nde, kam e ngonka fedde
