Ko ñalnde alarba 27/12/2017 laamu Muritani yaltini dekere laawɗinoowo njaru kaalis Muritani. Ko ɗiiɗoo biyeeji njogori woodde :
biyee 1 000 MRU (woni 10 000 adan) ; biyee 500 MRU (5 000 adan) ; biyee 200 MRU (2 000 adan) ; biyee 100 MRU (1 000 adan) ; biyee 50 MRU (500 adan) ; kañnjarol 20 MRU (200 adan) ; kannjarol 10 MRU (100 adan) ; kannjarol 5 MRU (50 mbuuɗu adan) ; kannjarol 1 MRU (buuɗi 10 adan) ; kannjarol 0.5 MRU (buuɗi 5 adan). Ina hollitaa e dekere hee wonde ɗiiɗoo biyeeji e kannajara puɗɗotoo waɗtude huutoreede e leydi hee no diidorinoo ko tuggude 1 saawiyee 2018.
Biyeeji e kannjaraaji gadani ɗii maa njokku e wosteede to Banke Santaraal Muritani haa ñalnde 30 suwee 2018.
Coodguuli ɗii kala ina poti holliteede e kaalis keso oo e adan kala tuggi 1 saawiyee 2018, haa 31 desaambar 2020.
Dekere oo wiyi kadi wonde biyeeji e kannjara kaalis adan ɗi ngostaaka haa 31 desaambar 2018 nattii jogaade faayiida.
Tesko :
- MRU : maande kaalis keso oo
- MRO : maande kaalis ɓooyɗo oo
Bookara Aamadu Bah
