So oto waɗtii diwde no wiyetee ? Wonaa ndiwoowa dey ! Ko oto diwoowo tan wiyetee haa hannde. So won hoyɗatnooɓe ɗum, yo ɓe nganndu koyɗol maɓɓe jooni laatoo goonga. So tawii kay ko Amerik koɗɗaa, tawi aɗa jogii yamiroore dognude oto coftal ɓalli. Tawa kadi aɗa jogii kaalis, fotde 150 000 dolaar (fotde 50 milliyoŋ ugiyya).
Njuɓɓudi Amerik kalfinaandi ko fayti e laaɗe diwooje yamirii njeeygu otooji diwooji tuggi maayirɗe 2011. Ko isaas nawata mo. E heen banngeeji noon, o ɓuri ɓallaaɗe ko abiyoŋ : omo waɗi elisaaji, tee njaaweendi makko so o weeyii ina yettoo 165 kiloomeeteer e nder waktu.
