Kaayit ɓooyɗo no feewi ina yiytaa ina winndaa e ɗemngal kopte ɓooyngal urmbitɗo haala ko faati e dewgal annabi Iisaa.
Mbele o woniino e dewgal walla alaa ? Winndaa e kaayit hee ko “ Iisaa wiyi ɓe : Jom suudu am (…) ”. Yiyti kaayit oo ko Karen King, porfesoor to Harvard Divinity School to Cambridge nder Massachusetts. Kaayit oo foti ko e kartal keredi, e wiyde jaaynde New York Times. Kanko ganndo oo, hono Karen, o wiyi “ kerecee en ɓooyii wiyde wonde Jésus (Annaabi iisaa) resaano, kono alaa fof daliilu to bannge daartol woodi, ceedtotooɗo duum. Oo ɗoo kaayit keso jiytaaɗo ne, dallinaani tawo wonde Jésus resiino, kono kam ma o urmbit duko ko faati e nguurndam makko e dewgal makko ”.
Ko idii fof nii, maa oo kaayit, jiytaaɗo to Misra walla Siiri, goongdinee tawo ko e binndaaɗe ɓooyde jeyaa. E wiyde Karen King, ko hedde hitaande 200 caggal Iisaa, yimɓe puɗɗii wiyde wonde Jésus resaano, kono “ ndee ɗoo taƴre kaayit ina hollita won wiynooɓe e oon sahaa gooto wonde Jésus resiino.
Mormo ormoo en ko kerecee en, rewftiiɓe ko anndiraa “ waliyaaɓe sakkitiibе ” е nder diine mаɓɓе оо. Ɓeen ngoni riiwanooɓe Nauvoo (to Illinois, to Dental Amerik), uuji, njahri koyɗe e sariyooji, tacci 2 000 kiloomeeter, haa njettii nokku kaaƴe toowɗe (Rocheuses) e nder dowla biyeteeɗo Utah hannde oo (to Dental Amerik). Ko ɗoon ɓe koɗi tuggi 1847. Fergo maɓɓe fuɗɗii ko 4 feebariyee 1846. Ina waɗi e maɓɓe Ameriknaaɓe e Biritannaaɓe e Eskanndinaawinaaɓe e Faraysenaaɓe e Siwisnaaɓe ekn…
Kerecee noon ko kala goongɗinɗo Christ (Annabi Iisaa) e wonde ɗum bajjo Alla maɓɓе. Juulɓe noon mbiyaani noon, sibu ina feeñi e Quraana toowɗo oo, wonde Alla jibinaani
