Ñalnde alet 21 feebriye 2016, Catal Fedde Ɓamtaare Pulaar to Kayhayɗi e ballondiral e ONG-ESE njuɓɓiniino ɓeto jaŋde e ɗeeɗoo gure : Kayhayɗi (duɗal Tulde), Arifunnda, Jowol e Beelinaaɓe. 71 Almuudo mbaawiino tawtoreede ngooɗoo ɓeto, heen 28 keɓii (keɓɓe ɓee ko : 39,43 %), heen 43 keɓaani (60,56 %). Golle ɗee cahtaama ñalnde 22 e 23 feebariyee 2016. Goomu sahto, e gardagol Usmaan Njaac e tawteregol Hooreejo teddungal, hono Sammba Gata Bah, njuɓɓinii golle ɗee haa peewi. Sikke alaa ngooɗoo ɓeto anndinii en tigi rigi ngonka jaŋde ndee e faayiida nde loowdi jaŋde ndee wonata ngootiri e denndaangal duɗe ɗee kala. Goomu sahto hollitii wonnde ɓeeɗoo almudɓe dañɓe ɓeto ina poti janngineede karallaagal njangiin e binndanɗe goɗɗe baawɗe tiiɗtinde mbaawkaaji maɓɓe. Gooto e maɓɓe fof maa heɓ seedanntaagal jannginoowo ɗemngal pulaar. Ina wayi no ngal gollal maa ɓeydo ƴellitde jaŋde pulaar.
Doggol almuɓɓe dañɓe ɓeto
Tng. Innde e yettoode Toɓɓe Duɗal
- Aamadu Abuu Bah 37 Saŋa
- Usman Amadou Nan 36 Saba
- Aamadu Haamiidu Joop 36 Saŋa
- Maryam Aamadu Sih 34 Jowol
- Sih Jeynaba Faalil 31 Beelinaaɓe2
- Sih Habii Hammadi 30 Beelinaaɓe2
- Aadama Bah 28 Saŋa
- Habiibu Gey 27 Saŋa
- Aminata Aamadu Soh 27 Jowol
- Muhammadu Bah 26 Saŋa
- Aan Guuro Raasin 25 Beelinaaɓe2
- Hammadi Aali Jah 25 Saŋa
- Faamaa Bookum 25 Saŋa
- Urdi Mammadu Ñaŋ 25 Arifunnda
- Sih Habii Faalil 24 Beelinaaɓe2
- Aan Ibraahiima Punayel 23 Beelinaaɓe2
- Belli Lih 22 Saŋa
- Sih Jeynaba Sammba 22 Beelinaaɓe2
- Caam Demmba Sammba 22 Beelinaaɓe2
- Sih Hawwaa Ɗahaa 21 Beelinaaɓe2
- Caam Sileymaani 21 Beelinaaɓe2
- Huley Ibraahiima Ñaŋ 21 Beelinaaɓe2
- Aysata Mammadu Deh 20 Saŋa
- Ñaan Kaaliidu 20 Saŋa
- Maamuudu Aamadu Tuure 20 Jowol
- Maryam Ceerno Jah 20 Jowol
- Munna Kan 20 Saŋa
- Aamadu Jeew 20 Saŋa
