Debbo ɓurɗo famɗude e winndere ndee ko Iñnjee. Kanko nawi raay ngeel kawgel hikka, kawgel biyeteengel GUINNESS. Ngeel kawgel waɗiraa tan ko geɗe ɓurtuɗe : ko mawni haa ɓurti, ko famɗi haa ɓurti, ko teddi walla ko hoyi haa ɓurti ekn.
Pamaro haa ɓurti, mbiyaten ɗum ko dooɓaaɗo. Debbo ɓurɗo rooɓeede e winndere ndęe wiyetee ko Jyoti Amge. Darnde makko seɓi diraa ko seeɗa, sibu ko 62,8 santimeeteer fat ! Omo yahra e duuɓi 18. O mettinaani heen no feewi, sibu o wiyi : “ Miɗo rokki darnde am ndee wune, sibu so wonaano kayre, mi dañataa yahde Japon walla Orop « . Kanko seɓi dooɓaaɗo goɗɗo, ameriknaajo biyeteeɗo Bridgette Jordan (69 santimeeteer). Kono kamɓe ɗiɗo kala ko Pauline Musters (1876 à 1895) waawi ɓe. Oon ko Neerlanndenaajo wonnoo, darnde makko wonnoo ko 61 santimeeteer fat !
