Ñalnde Aljumaa 3 ut 2007 jaagorɗo jolngooji (walla rusooji) siifondirii e gollooɓe Muritaninaaɓe e Sudaannaaɓe e Sinuwaa en nanondiral ngam mahgol laawol laana njoorndi hakkunde Kayhayɗi e Nuwaasoot. Ɓeen gollooɓe ngoni sosiyetee Sudannaajo biyeteeɗo Ban Fodio Holding, sosiyatee sinuwaa Transtech Engineering Corporation kam e sosiyatee muritaninaajo biyeteeɗo Muhammed Abdallaahi wul Abdallaahi. Ngool laawol ngol njuuteendi mum tolnii ko 430 kiloomeeteer maa wallit gollagol miinuuji fosfaat Bofal kam e kuutarogol ngaluuji ndema e ngaynaaka e oogirɗe keewɗe gonɗe e oon diiwaan joñtinooɗo no feewi. Njaru eɓɓaaande nde ina tolnoo e 460 miliyoŋ euro (hedde 160 miliyaar ugiyya).
Laawol ngol maa rew Tiiginte, Mederdara, Erkiis, Leggaat, Butimbiskit, Leleybaat e Bofal. Ngol ɗoo laawol ko fuɗɗoode laawol ɓurngol ɗoon juutde, jogorngol jokkondirde Kaay (Mali), Kayhayɗi, Nuwaasoot, Aksuus, Suum.
