Jooɗaniiɗo Laamaandi Ndentundi (Royaume Uni) he Nuwaasoot hono Simon Boyden wasiyiima ɓamtugol keewal pine he nder Muritani, mbele denndaangal ɓiɓɓe leydi ndii ine ngadda ballal mum en he mahngo leydi ndii. O wiyi : « Miɗo sikki yiylaade waɗtude yimɓe fof edda gooto, alaa nafoore, ɓuri moƴƴude ko heɓtinde eddaaji keewɗi, jeyaaɗi he Muritani ɗii ».
O ɓeydi heen « Miɗo teskii, caggal duuɓi 60 ko Muritani heɓi jeytaare mum, juɓɓule ƴellitaare ɗee fof e wallitde ndi, haa hannde Muritani yettaaki ɗo ɗaminanoo ɗoo. Ko ɗuum addi naamnal : Hol ko haɗi ɗuum ? Ngaluuji dee ina ngoodi – mi haalaani ngaluuji tago, kaalat-mi ko ngaluuji pinal e yimɓe. E miijo am ko ngalɗoo keewal pine foti ƴelliteede mbele Muritani ine naftoroo fartaŋŋeeji goodɗi to bannge faggudu e pinal e renndo, ngam kadi yahdude – so mi teyii mi wiya – e yonta teeminannde 21ɓiire ndee ».
