Kewuuji 2011 ɓurɗi maantinde e nder winndere

Kewuuji ɓurɗi maantinde e nder winndere puɗɗii to boowal Tahriir. Nanngondire muusɗe mbaɗi hakkunde doole kisal e seppooɓe ɓee e nder yoga e gure leydi ndii, ngam ɗaɓɓude yo Mubaarak woppu laamu.

• Yemen, 27/01/11, ujunnaaje keewɗe seppooɓe nootii e noddaango luulndo ngam ɗaɓɓude yo Aali Abdullah Saleh, laamiiɗo ko ina ɓura 32 hitaande, yo woppu laamu. Ñalnde 3 suwee, kanko e jagge guwarnama makko keewɗe, ɓe ngaañii e bommbugol jumaa galle laamu oo. O nawaa to Sawuud ngam safreede.
• Niiseer, 31 sawiyee Muhammadu Yusufu, ɓooyɗo е luulndo dañi fotde 36% e daaɗe wootooɓe e daawal gadanal todde hooreleydaagu. Ñalnde 12 marsa o heɓi 58%. Ɗee woote mbadiranoo ko artirde laamu siwil en caggal nde konu folli laamu Mammadu Tañnjaa e feebariyee 2010.
• Senegaal, 6 haa 11/02/11, Batu Renndo Adunankeewu 11^ɓu jooɗii to Ndakaaru. Ngu jooɗii ko e yonta maantinirdo iiñcuru tippudi hoorejawdi. Hade ɗuum ko heege mawnge yannoo e miliyoŋaaji miliyoŋaaji neɗɗo e nder winndere ndee. Batu nguu hawri ko e fitinaaji ɓesnguuji aaraɓeebe, ngu joofiri ko damaawu nduu henndu maa yuumtu e aduna ɓurɗo nuundude e heewde njurum.
• Misra, 11/02/11, Hosni Mubaarakwoppii laamu, caggal balɗe 18 seppooji.
• Nuwel Selannde, 22/02/11, leydi yerbii to wuro ɗiɗmo leydi ndii, wiyeteengo Christchurch.75 neɗɗo maayii heen, 300 majji. 100000 huɓeere njani. Ko e ngoo wuro kawgel adunankeewel Rugbyfotnoo yuɓɓineede e settaam bar e oktoobar 2011.
• Yaabaan, 11/03/11, yerɓo leydi doolnungo wondude e Tsunami moolanaado njani e Yaabaan, mbonni huunde e Nokkuuji Nikleyeer. Boomaare mawnde : 9487 maayɗo, 15 ɓ17 neɗɗo majjudo, ɓe njiyataaka. Ɗii musibbaa i tawtondirdi mbonnii ko ina wona 200 miliyaar Oroo.
• Benin, 13/03/11, sappo e nayo neɗɗo ina ngonnoo kanndidaaji e woote hooreleydaagu. Njiibru mawndu waɗi, caggal nde yimɓe Yayi Boni, gardinooɗo leydi ndii, mbayyini wonde o heɓii 55%, o gañiima е daawal gadanal. Luulngo ngoo wiyi wonde ko ko wujjaa ; kono Diiso Doosɗe jaalɗini poolugu Yayi Boni, 53%.
• Libi, 17/03/11, Diiso kisal Fedde ngenndiije dentude yamiri yo libi bommbe, e nder hawraande mum 1976^ɓere, yamirnde tiwaande dow Libi, yamirnde yo “ denndaangal peeje katojinaaɗe kuutore ngam reende siwil en ”. Balde ɗiɗi caggal ɗuum, maalde leyɗe hirnaange, e gardagol Farayse, wondude e ballal teentungal Amerik, udditi jaynge e konu Kaddaafi ; nguu njangu woni ɗiɗmu to bannge doole, caggal wolde liɓnoonde laamɗo jartodinɗo biyeteeɗo Saddaam Huseyn to Irak.
• Siiri, 18/03/11, seppooji ɗi meeɗaa yiyeede, luulndiiɗi laamu Basaar el Asad, gonɗo e laamu gila 2000, puɗɗii.
• Misra, 19/03/11, 77% e wootooɓe misranaaɓe daɓɓi yo Doosɗe leydi ɗee mbayle. Hayiti, 5/04/11, jimoowo biyeteeɗo Michel Martelly toɗɗaama Hoore leydi.
• Portigaal, 06/04/2011, sabu caɗeele faggudu e kaalis, laamu Lisbon ɗaɓɓirii Dental Orop ballal.
• Koddiwaar, 11/04/11, caggal lebbi nay hare e pooɗondiral, Loraa Bagboo nanngaa e nder galle laamu.
• Yaabaan, 12/04/11, aksidaa Santaraal nikleyeer Fukusima hiisaama e bonnande ɓurnde mawnude, kulol ɓeydaniima yaabaannaaɓe.
• Dental leyɗe Amerik, 14/05/11, Dominique Strauss Kahn (DSK) takkaama njangu e dow Nafisatu Jallo. Ñalnde 19 o demisoni e gardagol FMI.
• Niiseriyaa, 16/04/11, seppooji e nanngondire caggal nde njeñtudi toɗɗe Hooreleydaagu mbayyinaa, wiyaa wonde Janathan Goodluck (57%) hawii Muhammadu Buhari (37%) : fotde 800 maayɗo.
• Maruk, 28/04/11, njangu warhooreewu to Marakesh. 16 maayɗo maruknaaɓe 3, faraysenaaɓе Biritaannaajo gooto, Kanadanaajo gooto, Holandee gooto, Purtugee gooto e Siwis gooto, yantude e 21 gaañiiɗo.
• Laamaandi ndenndundi (Angalteer), 29/04/11 dewgal hakkunde Kate Middelton e garme biyeteeɗo William.
• Farayse, 2/05/11, Naawoore wullitaande Dominique fe Villepin, kaɓdiiɗo Nikolaa Sarkosi, sabu mum takkeede fewjande oon e kitaale 2000. E ndee ɗoo ñaawoore kadi, o laɓɓinaa e ɗiin sikkeeji.
• Pakistaan, 02/05/11, Ameriknaaɓe mbarii Ben Laaden cuuɗinooɗo to wuro Attobaad, rewu Islamabad.
• Leyɗe Palestiin, 04/05/11, Fataa e Hamas mbelditii. Ko Mahmuud Nejaah, hooreejo Palestiin, gardiiɗo Fataa, e Khaled Mechaal, hooreejo Biro politik Hamaas ciifondiri nanondiral ngal. Foti rewde heen ko compugol guwarnama ngootaagu ngenndi kam ejuɓɓingol woote sardiyeeje e hooreleydaagu to Gasaa e Sisjordaani, ɗoon e hitaande.
• Espaan, 15/05/11, Puɗɗagol seppooji “ mettinbe ” (indigados) to Espaañ, dillere sukaaɓe woytotooɓe ronkude golle, caggal kiris naatɗo faggudu leyɗe hirnaange.
• Koddiwaar, 21/05/11, Alasan Watara fiilaama Hooreejo leydi to Yamusokoro e tawtoregol Nikolaa Sarkosi e Ban-Ki-Moon, Koolaaɗo Kuuɓal Fedde Ngenndiije Dentuɗe.
• Serbi, 26/05/11, nanngal Ratko Mladic caggal duuɓi 16 palee-palee. O neldaa to Naawirde Kuuge Winndere, to wuro La Haye. Omo tuuma warhoore neɗɗaagu e mumtugol e warngo 8 000 sagata gorko to Srebrenica e hitaande 1995.
• Yemen, 03/06/11, Aali Abdalla Saaleh, gaañii caggal nde galle laamu bommbaa. O nawaa to Sawuud ngam safraade.
• Peru, 05/06/11, Ollanta Humala toɗɗaama hooreejo leydi. O wootondirtunoo ko е debbo biyeteeɗo Keiko Fujimori. Omo anniyii tiimtaade e gonnooɗo hooreejo Beresiil, hono Luulaa e Hugo Sawes mo Wenuselaa.
• Maruk, 17/06/11, Muhammed VI waɗii diskuur mawɗo, habri wonde ina yiɗi yuɓɓinde huunde e mbayliigaaji Doosɗe leydi. Arditaade gila heɓtaaka.
• Tuunus, 20/06/11, Ben Aali e jom suudu mum Leylaa Taraabelsi ñawaama kasoo 35 hitaande gooto e mum en kala. Ɓe njooɓtoraa ko porlugol jawdi buur. E oon sahaa noon ɓе mоolinoo ko Sawuud.
• Farayse, 21/06/11, Yvan Colonna ñaawaama tataɓol kasoo kaaɗdi nguurndam, sabu warngo perfee biyeteeɗo Claude Erignac to Ajaccio (Duunde Kors to Farayse).
• Afganistaan, 22/06/11, persidaa Barak Obama habrii gartirgol konu Amerik ngonnoongu Afganistaan ɗoo e ceeɗu 2012.
• Dental Leyɗe Amerik, 28/06/11, Christine Lagarde lomtiima DSK e gardagol FMI.
• Farayse, 29/06/11, Goppitgol jaaynooɓe ɗiɗo Faraysenaaɓe, Hervé Ghesquière kam e Stéphane Taponier, dahanooɓe ñalnde 30 desammbar 2009 to Afganistaan, kamɓe e nantinoowo mаɓɓе hono Reza Din.
• Senegaal, 11/07/11, Robeer  Burgi, aamwokaa faraysenaajo, libinaajo, gooto e ɓalliiɓe Šarkoosi, goongdinii haala mum, so wiyde wonde so Kariimu Wad noddiino ɗum jamma 27 suwee nde seppooji bonɗi mbaɗata Ndakaaru ndee, ngam ɗaɓɓude yo konu Farayse faabo ɗum en.
• Sili, 19/07/11, tawaama wonde persidaa Salwadoor Alenndee ko bartinooɗo, caggal kuudetaa 11 settaambar 1973, gaddunooɗo e laamu koninkooɓe ɓe laamu hoorameewu. Ɓe ubbit mo ngam anndude so tawii ko koninkooɓe ɓee mbarnoo mo walla.
• Gine, 19/07/11, Hodorde Alfaa Konnde, hooreejo leydi Gine, bommbaama. Alfaa faati e faggudu biyeteeɗo Mario Monti.
• Farayse, 22/11/11, sankaare Danielle Mitterand, cuddiiɗo François Mitterand, meeɗnooɗo wonde hooreejo leydi Farayse. O sankorii ko duuɓi 87.
• Koddiwaar, 06/12/11, Looraa Bagboo addaama yeeso ñaawooɓe to Naawirde kuuge winndere, sabu mum tuumeede warhoore neɗɗaagu..
• Koddiwaar, 11/12/11, woote depiteeji to Koddiwaar. Parti Alasan Watara heɓii keeweendi. Parti Bagboo jaɓaano tawtoreede woote ɗee ngam hollitde mettere mum e ko mawɗo mаɓɓе nawaa Ñawirde kuuge koo.
• Yemen, 24/11/11 persidaa Saaleh jaɓii siifde nanondiral goppinoowal ɗum laamu, hay so tawii seppooɓe ɓee njaɓaani nanondiral ngal wiyi wonde felluɓe ɓee njiylotonoo ko warde ɗum.
• Somaali, 19/07/11, aduna wullaama wonde musiiba heege bonnge ina jogori yande e “Allaadu Afrik ”, worgo Somaali.
• Serbi, 20/07/11, Nanngal barhoore biyeteeɗo Goran Hadzic, mo Ñaawirde Kuuge Winndere yiylotonoo sabu tuumeede warngooji to Yugoslawi.
• Geres, 21/07/11, ardiiɓe wertallo Oroo pellitii wallude leydi Geres fotde 158 miliyaar Oroo.
• Norwees, 22/07/11, jannguuji ɗiɗi, ƴiiƴiiji mbaɗii to Osloo kam e duungel Utoya. Fotde 92 neɗɗo maayii heen. Tuumaa warngo ngoo ko gorko jahroowo e duuɓі 32.
• Israayiil, 01/08/11, teemedde joy ujunere neɗɗo ceppii to Tel Awiiw ngam daɓɓude “ potal nder renndo ”. Be poŋti tillisaaji maɓɓe e dingire.
• Siiri, 03/08/11, Diiso Kisal Fedde ngenndiije ñiŋii piggal laamu Siri fiyata ɓesngu mum ngal.
• Misra, 03/08/11, Mubaarak addaama ñaawoore ina lelnaa e leeso ñawɗo, ina uddaa e suudu giriyaas.
• Angalteer, 07/08/11, fitinaaji keewɗi mbaɗii e wuro London ; sukaaɓe nanngondiri e halfinaaɓe kisal caggal nde polis wari toon suka. Fitinaaji ɗii mbaɗii maayɓe njoyo.
• Dental Amerik, 23/08/11, Ñaawoore kuuge Amerik woppii tuumamuya mum e DSK.
• Libi, 23/08/11, murto heɓtii Tiripoli. Ɓe naatii galle Kaddaafi biyeteeɗo Bab alazizia.
• Niiseriyaa, 26/08/11, joɗnde Fedde Ngenndiije Dentuɗe yanaama to Abujaa, Niiseriyaa. Ina wiyee ko ownooɓe wiyeteeɓе Bokko Haram mbaɗi bonannde ndee.
• Dental leyɗe Amerik, 29/08/11, henndu buutufal mermbiliima tufnde fuɗnaange Dental Amerik ; 14 neɗɗo maayii heen. Bonannde ndee millaama e miliyaaruuji 7 dolaar.
• Dental Amerik, 11/09/11, mawningol hitaande sappoɓere njangu 11 settaambar 2001.
• Farayse 14/09/11, ñaawoore wullitaango laɓɓinii Dominique de Villepin.
• Dental Amerik, 17/09/11, 1 700 neɗɗo tawtoraama oktoobar. Ɓe keɓii 90 siis е nder siisuuji 217 ɗii.
• Palestiin, 31/10/11, UNESCO jaɓii naatgol Palestiin e fedde hee. Amerik yowii piye mum e fedde hee, sabu mum mettinde ɗuum.
• Geres, 11/11/11, Papanderewu woppii kam ne laamu, sabu mum ronkude yaltinde leydi mum caɗeele faggudu. Lomtii mo ko biyeteeɗo Lucas Papademos.
• Siiri, 12/11/11, Каɓɓere leyɗe Aarabeeɓe yowii Siiri e golle mum, sabu piggal fiyata ɓesngu mum ngal, caabingal warngo ko ina tolnoо е 3 500 neɗɗo.
• Itaali, 12/11/11, Silvio Berlusconi woppii laamu. O yahdi e ƴattooje e kuɗdi haa heewi.O yaltiri galle laamu oo, ko damel cuuɗingel, ngam ruppaade jaaynooɓe e hulde fiyeede.Lomtii mo janngo mum ko ganndo mawɗo ko faati e faggudu biyeteeɗo Mario Monti.
• Farayse, 22/11/11, sankaare Danielle Mitterand, cuddiiɗo François Mitterand, meeɗnooɗo wonde hooreejo leydi Farayse. O sankorii ko duubi 87.
• Koddiwaar, 06/12/11, Looraa Bagboo addaama yeeso ñaawoobe to Naawirde kuuge winndere, sabu mum tuumeede warhoore neɗɗaagu.
• Koddiwaar, 11/12/11, woote depiteeji to Koddiwaar. Parti Alasan Watara heɓii keeweendi. Parti Bagboo jaɓaano tawtoreede woote ɗee ngam hollitde mettere mum e ko mawɗo mаɓɓе nawaa Ñawirde kuuge koo.
• Yemen, 24/11/11 persidaa Saaleh jaɓii siifde nanondiral goppinoowal ɗum laamu, hay so tawii seppooɓe ɓee njaɓaani nanondiral ngal.