“Kirikou et la sorcière” ko filma mo tuubaako biyeteeɗo Michel OCELOT waɗnoo, tawi ko e ɗemngal farayseere, yimɓe ɓe kaalataa. Oon filma noon ko dowluɗo, ko filma keptinaaɗo, mo nganndu-ɗaa dañiino manoore mawnde e koolol “Annecy 1999”. Haala Filma oo noon waylaama waɗtaama he Pulaar.
Ko ɓiɗɗo leydi Muritani biyeeɗo Aamadu Muusaa NGAYDE, waɗti ɗum e ɗemngal Pulaar. Aamadu Muusaa NGAYDE noon ko Karallo to baɗte ndema haa teeŋti e mahngo gese ndema. Filma o noon, kañum fof e feewneede ɗoo e leydi hee, tawi ko ɗo galle makko ɗoo, e kuutoragol daaɗe yimɓe galle makko e kaɓirde makko, e ñeeñal makko, waɗii faayiida, haa so a yeewii ɗuum, cikkataa ko е nder galleeji mawɗi baɗooji sinemaa ɗuum waɗaa. O heɓii yamiroore, fedde wiyateende “Les animateurs” wonde Farayse, jeynde filma oo, nde o sarata ɗum e nder leyɗeele Muritani e Senegaal. Musiɗɗo men oo, meeɗi waɗde filmuuji goɗɗi paytuɗi e diine walla pinal men. Omo ɗaminii firde filma oo e ɗemɗe ngenndiije keddiiɗe ɗee.
Filma kiriku o ina ɗaminaa yaltude e maayirɗe hitaande 2011, walla darorɗe hitaande fayde nde.
