Ganndiwal ine jokki e waɗde taaɓe mawɗe he darorɗe ndee hitaande 2026. Ine heen jeertinaali paatuɗi e baylagol kilimaa, jiyte kese paatuɗe e ngaanndi, pente kese paatuɗe e ɓalliwal e ɗanle weeyo mawɗe : ɗee geɗe fof ko teeŋtinooje wonde njiylawu ganndal jeyaa ko e geɗe ɓuroyooje maantinde he teeminannde 21ɓiire.
Kilimaa : kulol yettaade nokku mo alaa duttal
Wiɗtooji kesi ine njeertina he jettagol tolnooji baawɗi saabaade mbayliigu njaawngu ngu alaa duttal, ko wayi no caaygol jaawngol galaas, walla korngildi (permafrost), walla kawjugol baraaɗe geec (keewal waraang). E nder diiwaan Saahal oo, ɗuum ine jogii baɗte he baylagol toɓooli, deɓgol moraande, e keɓagol ndiyam.
Coftal Naange :
Puccital moolanaangal kewii toon, bayrungal yiyeede ko ine abboo e duuɓi capanɗe keewɗe. Huunde waawnde battinoyde he jokkondire e jowitiiɗe weeyo (satelitaaji).
Faru : niiwnorgal kesal ngam sunnaade tageefo
Niiwnorgal weeyo biyeteengal “Nancy Grace Roman” heblaniima lappol mum ngam yiytude capanɗe ujune tagopeeje ɗe njeyaaka he yuɓɓo Naange, kam e keɓe paatuɗe e yakawere niɓɓere.
Tonngol Bookara Aamadu Bah
