Wonaa enen kaali ɗum, ko wiɗtooɓe kadi mbiyi noon. Kono hoto kulee, taree tawo winndannde ndee.
Gooto kala ina foti suɓaade hakkunde konndirde e durnude miijo…, sibu, konndirde ko ɓuri waktuuji 2 ine sikkaa ina usta ƴoƴre. Ko ɗuum woni ko wiɗto wooto waɗaango to Angalteer, to duɗal jaaɓi-haaɗtirde Leicester, holliti. Ɓe mbiyi, ko goonga ina anndanoo wonde konndirde hakkunde waktuuji 2 e waktuuji 3 ñalnde kala, moƴƴaani e ɓernde, kono wonande ngaanndi, ko teskuya keso. Ko noon kadi wonande yeeɓde tele ñalnde kala ko ɓuri waktuuji ɗiɗi. Kono ɗumɗoo fof jotondiraani hay dara e baasgol ɓalndu dillude. Waɗi noon ko huutoraade ordinateer ngam gollaade walla fijde fijo wideyoo, ine njeyaa e cofte ɓeydooje kattanɗe ngaanndi. Ɓe mbiyi waɗi noon ko so aɗa yeeɓa tele, ngaanndi maa gollataa (a soklaani miijaade), kono ordinateer ina « ñikla ngaandi », so aɗa huutoroo ɗum alaa e sago miijo-ɗaa. Yanti heen, konndirgol ina tampina, surwina. Ɗuum ina jeyaa e sabaabu ustugol mum kattanɗe miijo. Kono kadi annduɓe ine kawri wonde coftal ɓalli (walla dillingol ɓalndu) ina moƴƴi e ɓernde, ina moƴƴi e kette, ine moƴƴi e ɗaɗi ƴiiƴam, ine moƴƴi kadi hay e hoore !
