Ko ɓooyaani koo, weeyeeɓe keɓtinii hoodere laaci hesere, inniraande tawo C/2025 R3, jogornde ɓurnde teskinde nder duuɓi capanɗe jawtuɗe ɗee. Ko nde fuɗɗii ƴeeweede koo, tawaama ande waawi yiyoraade yitere mehre e hitaande 2026 ndee. Ande ni ɓeydoo ɓadtaade seeɗa seeɗa Naange hade mayre yettaade lommet mum (toɓɓere jirlol mayre, ɓurnde ɓadtaade Naange) ɗoo e naatirɗe ceeɗu 2026. So nde hisii e nguleeki e caasal doole ɓaaƴo (doole yirlo), ande waawi fuɗde laaci njuutki no feewi, kam e gufa njuutka, lewñuka no moƴƴi.
Annduɓe ɓee noon mbiyi « jikku laaciire anndodtaako« . Won e majje carkittooɗe he laawol, hade mum en lewñude no feewi ; won heen ɓuroyooji no sikkiranoo nii lewñude, to woɗɗi. So alaa ko falii ɗum, ndee laaciire ine waawi weloyde yeeɓde, sibu maa nde yiyro yitere mehre, soklaani huutoraade lonngorɗe weeyo.
Bookara Aamadu Bah
