Jeynoo oo ɗoo oto (sibu nattii wonde oto) Toyata dey ko ceemeedo biyeteeɗo Joan Hall. Ko mbaaw-ɗen wiyde tan, ko o moƴƴo kosam, walla ko o muuynuɗo mbelɗam. Ko njiyaton ɗoo ko kewi ko to leydi mbiyeteendi Laamaandi ndentundi (Royaume Uni). Ko o jahnooɗo poosto o arti, o tawi ngaIdoo kaaƴal ina jooɗii e dow oto makko. Hol no fof no ɗum wonirta ? Ndee ɗoo haayre dey banndiraaɓe, teddeendi mum ko tonuuji 5. Ko kamiyoŋ rewnoo ɗoon, ina rimndi kaaƴe. No Alla waɗata, o woppi ko o woppi koo fof, nde o wirtotoo nokku o, haayre nde regi, rimtii e dow otoyel he. ɓalndu am ina mooƴa so mi miijiima “ so won ngonnoodo heen ”. Alla ko moƴƴo. Ƴeew, Alla e haayre nde teddude lennge gamooɗo rimtitde nde o, ɗeɓaani suutde nde. Nde heɓii ɓoccitaade nde rimtitii kadi e otayel am. Nde tawnoo ko tuubaako Farayse saakti oo ɗoo kabaaru, o “ tooñii ” heen Engelą en, o wiyi ko mawnikiniiɓe. Addi ɗum noon ko nde debbo jom oto o naamndaa no ɗum ardi, o wiyi, e rajo BBC “ alaa fof ko mi yiyaani e nguundam am, ko ɗum tagi ɗum ɗoo wayi mi kono hay huunde nii ”.
- Advertisment -