Kewu pinal pattamlamu, adunayankeewu, ina jogori yuɓɓineede e nder leydi Senegaal, ñande aset 27 e alet 28 lewru saawiyee e hitaande 2007, to Jamñaajo, wuro laabi celi hakkunde Kees e Ndakaaru. Miijo ngo ummii ko e ñaañooɓe Ranaa, Isaa Mbay Jaari Soh e Faadal Aysata, etee sehilaaɓe maɓɓe heewɓe ina taammbii golle ɗe, hono goomu ngu fotde yimɓe 70 : topitiiɓe pinal, e faggudu, e mbaylaandi, e soofaaji, e bankeeji, e naalankooɓe, e jaayndeyankooɓe, e ballondiral e laamu leydi ndi., wonɓe Afrik e Orop, ekn.
Faandaare koolol ngol ko :
1. Ɓamtude pinal Fulɓe haa teeRti e ƴellitde ñaañooru.
2. wallitde golle Cukaagu : e dow ɗuum, yuppude kala ko dañaa e ngalu e booñ Fedde senegaalyankoore nde wonaa laamuyankoore toppitiinde Cukaagu (ene sikkaa Isaa Mb. J. S. ko nelaaɗo, hono « ambassadeur » fedde nde ,etee ende jogii duɗal karallaagal mecceɗ.
Teddiniraa ngardiigu kewu nguu ko Hooreejo leydi Senegaal, hono Me Abdullaay Waddu. Ma tawtore heen naalankooɓe diiwaanuuji Senegaal fof : ñaañooɓe 110, hoɗooɓe 110, yimooɓe 110, e amooɓe rewɓe e worɓe 110, yaltooɓe e leƴƴi Senegaal fof : Fulɓe, e Jolfuɓe (wolofaaɓe, e safalɓe, e sooninkooɓe, e susu en ; maa jeye heen kadi ummotooɓe e leyɗeele Afrik, e Orop… naalankooɓe, e ko wonaa ɓeen tan.
Kala jiɗɗo ɓeydaade humpitaade geɗe koolol ngol (« festiwal » oo ina mbaawi jokkondirde e ɓeeɗoo banndiraaɓe : Isaa Mbay Jaari Soh, to Belgique (tel : 0032449Ɓ189 / 00 32224550699ɗ, e Faadal Aysata Soh, to Les Mureaux, Farayse (tel : 0033663217641 / 0033134742469, e Seyba Taraawore, to Meeri Ndakaaru (tel : 0002215316602, e Sherif Ɗahaa Bah, Porofesoor to Duɗal Jaaɓi Haaɗtirde Sheek Anta Joop to Ndakaaru, gardiiɗo Goomu Karallaagal e Siyaas Koolol ngol (Comité scientifique, tel : 002216416033 / 6416033 / 8640329) e-mail : cherifdaha@hotmail.com, ganndoojiba@hotmail.com. Nde tawnoo Sohsooɓe ngontii hellifaaɓe, ɓe dañii ñaañooji. Hoto mo luutaa e maɓɓe.
Aamadu Umaar Jah
