Hitaande kala, laamu Muritani ina rokka huunde e gollotooɓe mum paasuuji Hajju.
Ministeer kala heewi toɗɗaade yimɓe mum fotɓe rokkeede ɗiin biyeeji. Wonaa ɗoon woni caɗeele ɗee. Caɗeele walla kaawis oo ko ɓurondiral mawngal hakkunde nokkuuji ɗii. Yeru, galle laamorɗo oo (persidaas) ina jogii fotde capanɗe jeegom (60) biyee tawi gollotooɓe mum fof ɓuraani teemedde tato (300). Jaagordu kaalis (Ministeere finaas) ina heɓa biyeeji nay haa joy (4 haa 5), tawi gollotooɓe mum ko hedde 1 500 neɗɗo (ina jeyaa heen gollotooɓe ɓe nduumaaki). Ƴeewaa noon, jaagordu jangde, jogiindu fotde sappo e joy ujunere (15 000 gollotoоɗо, heɓata ko biyee gooto ! ! ! Ɗum ɗoo dey ina feeñnini fenaande mawnde e nder peccitagol ngalu leydi ndii, sibu ko miliyoŋaaji keewɗi kuutortee ɗoo e mbaadi ndi rewaani laawol. Mbele ɗum wonaa “ fasaad ”?
