Laawol yaakaare goɗngol, hono laawol hakkunde Kayhayɗi – Mbuun – Fum Gileyta – Sehilbaabi – Guray wiyetee kañum ko laawol yaakaare ɗiɗmol. Ɗumɗoo ko yiɗde hollitde faayiida maggol. ɓonaa enen inniri ngol noon, alaa, ko Laamu Muritani e gollodiiɓe inniri ngol noon, ngam yiɗde hollitde nafoore maggol wonande leydi ndi.
En kaaliino e tonngoode men ɓennunde wonde kaalis dañaama ngam mahde laawol Kayhayɗi-Guray. Hankati ina wayi no ko sooynetoo yettiima, sibu, ñalnde 9 feebariyee, hooreejo Goomu Kooninkooɓe, mawɗo leydi ndi, hono Eli wul Muhammed Faal, maa yah aafoyde haayre adannde ngolɗoo laawol. Ina wiyee ma o yahdu e hilifaaɓe heewɓe haa arti noon kalifu mahaaɗe e jolngo, kalifu geɗe faggudu e ƴ ellitaare, jooɗaniiɗo Dental Orop e leydi men hono Erik Pakkee. Ngolɗoo laawol so yahii haa gasii, maa naftu no feewi diiwanuuji leydi ndi joñinooɗi no feewi ‘Sehilbaabi, Mbuut, Guray). Ma ɗum battin no feewi kadi e faggudu leydi ndi, sibu hay gooto majjaani wonde diiwaan Gidimaka o ina alɗi no feewi to bannge ndema e ngaynaaka ; yanti heen ko o jokkorgal hakkunde muritani e Mali e Senegaal fof. Njaru ngolɗoo laawol ina tolnoo e hedde 23 miliyaar Ugiyya. Ngol mahetee ko e nder leɓɓi 52. Rutoo e tonngooɗe 35 e 37 so aɗa yiɗi heɓde kabaruuji goɗɗi jowitii- ɗi e ngolɗoo laawol gudroŋ.
Bookara Aamadu Bah
