Ine haawnii, sibu ina wiyee wonde Yimɓe 50 ɓurɓe toowde e ardorde Daesh ɓee, hay heen gooto wonaa islaamiyeejo. Ko ɓuri heewde e maɓɓe ko senorooji Saddaam Huseyn ɓooyɗi, woɗɗunooɓe piɓle Lislaam… Ko ɓuri heewde e maayooɓe e njannguuji ɓee ownooɓe innitortooɓe lislaam ko juulɓe, sibu ɓe ɓuri heewde kalitde ko Siiri e Irak e Niiseriyaa … Ko ujunnaaje ujunnaaje maayɓe juulɓe so limaama. E tuugnaade e wiɗtooji baɗaaɗi e nder 15 leydi juulɓe, en nder leyɗe juulɓe, e nder yimɓe noogaas (20) fof, ko tato (3) fat ngondi e golle ownooɓe, innitortooɓe Lislaam ɓee.
Bamako goɗngol …
Ñalnde 20 noowammbar, to Mali owbeelɓe pefii yimɓe wonnooɓe e jipporde (otel) mawɗo (Radisson Blu) to Bamako, leydi Mali.
E hitaande 2015 ndee ko ngol woni tataɓol ko ownooɓe ina njana e Bamako.
Limooje njannguuji ownooɓe tuggi 1 saawiyee feewde 22 noowammbar 2015 :
- – Niiseriyaa : laabi 22
- – Kamaruun : laabi 5
- – Mali : laabi 03
- – Somaali : laabi 05
