Annduɓe peewnii “pis” jahoowo e ɓalndu, woni pis nguurki (eɗen nganndi pis jahoowo e telefoŋ portaabal…), baɗiraaɗo ƴeewndaade ƴiiƴam, tawi njaru mum ina famɗi no feewi, sibu ko dolaar gooto (fotde 280 UM). Oon pis ina waawi yiytude Sida e ñawbuuli goɗɗi, ko nanndi e sifilis. Pis oo foti ko e kartal banke (woddondiraani e karte men dentitee ɗee). O jarribaama e yimɓe heewɓe to Ruwanndaa. Tawaama ngal juumataa, sibu ko seeɗa ngal moƴƴata 100%. Ɗeɓi wayde tan ko no laboratuwaar yeewndorɗo ƴiiƴam no woorunoo, baawɗo yiytude laawol gootol fotde ñawbuuli sappo.
Laboratuwaar oo (pis oo) wiyetee ko “ mChip ”. Miiji mo ko biyeteeɗo Samuel Sia, jannginoowo to duɗal jaaɓi haaɗtirde Columbia to Amerik . Faandaare makko wonnoo ko yiytande yimɓe yeewndorgal ñawbuuli ngal yimɓe fof mbaawi heɓde, e nder winndere ndee kala, tawa cokłaani yahde opitaal walla laboratuwaar, tawa ina keɓa jaabawol ɗoon e ɗoon, waasa wiyeede yah ɗoo e balɗe…
