Ko jeewte ɗe o waɗdunoo e jaaynooɓe kam e caɗeele dookɗe leyɗe aarabeeɓe ɗe o yiyi, e waasde ɗum en hattande yahdude e ƴellitaare winndere ndee. Yanti e ɗuum, caɗeele compugol demokaraasi e ɗee leyɗe. Omo haala e mayre kadi ɗamaawu makko wonande leyɗe Aarabeeɓe. Ko waawi wonde heen fof, ina waawi tawa ɗum bettataa Muritaninaaɓe no feewi, sibu Maawiyya, no waawnoo siforaade fof, ina seedtanaa horsinde defte : ko e sahaa makko galleeji defte mahaa e denndaangal departemaaji Muritani. Ɗum noon, ma a taw ko oon hurum woni mo o joganii ganndal. Hannde, ɗiin galleeji defte mbaɗtaa nokkuuji binnditorɗi, ɗo huunde e muritaninaaɓe etanoo teetteede ɓiyleydaagu mum en.
Defte gonnoode heen ? En nganndaa ɗo mbadtaa ! Deftere ndee ina woodi to Farayse, tee heewɓe ina njiyloo nde, kono nde naataani tawo Muritani.
