Hol mo nanaani ndeeɗoo innde : Pieter Wilhem Botha (Piiteer Vilhelme Bootaa) ? Ooɗoo ardinoo leydi Afrik ɓorgo hakkunde 1978 e 1989.
O sankiima omo yahra e duuɓi 90.
E nguurndam makko o meeɗaa jaɓde potal e deewre ngona e Afrik ɓorgo, finnde mum, ko nde o ardii ndiiɗoo leydi alaa fof bonannde nde waɗaaka e mum sibu ñande fof ko maayɓe haa heewi. Omo jeyaa e ɓurɓe semmbinde Apartaayd woni ceerndugol leƴƴi leydi makko : seernude koɗorɗe, janngirɗe, otooji ekn… O tawtoyii ujunnaaje ujunnaje pittaali ɗi o yooɓinoo. Haala mawka nana laakara !
Bookara Aamadu Bah
