Muritaninaaɓe tato ina njeyaa e hoohooɓe teemedde njoyo (500) ɓurɓe maantinde e leyɗeele juulɓe. Ko wiɗto ngo goomu wiɗtooɓe wonɓe to Iniwersitee to Georgetown to Amerik bayyini ko ɓe teskii wonde yimɓe 500 ɓurɓe teskinɗe e nder leyɗeele juulɓe.
Ina jeyaa e e ɓeen, Muritaninaaɓe tato, ɓeen ngoni : Doktoor Muhammed El Muttaar wul Bah, kam e Ceemo Abdallaahi wul Boyya kam e Aminettu mint El Muttaar hooreejo Fedde Muritaninaare Rewɓe Ardiiɓe Galleeji, ganndiraaɗo kadi darnde mum seedtinnde to bannge daranaade jojjanɗe Aadee. Ngoon wiɗto hollitii wonde Doktoor wul Bah, gardiiɗo Iniwersitee Kesam-kessagu Shingiti, jeyaa ko e yimɓe ɓurɓe maantinde e leyɗe Aarabeeɓe e juulɓe, to bannge coñce e miijooji. Sheek wul Boyya kam ne teskoraa ko wonde juulɗo sunniyanke, laawol Maalik, ɓurɗo mawnude e annduɓe aduna hannde o. Wonande Aminettu Mint el Muttaar, wiɗto ngo teskii ko golle maantinɗe ɗe Fedde makko darii ngam wallitde rewɓe ardiiɓe galleeji kam e ɓesnguuji mum en.
